Categories

اعلان

Loading…

د زابل د تروریستي برید د ټپیانو شمېر۸۰ تنو ته ورسېد

تاند- د وروستیو راپورونو له مخې په دې وحشیانه انتحاري برید کې لږترلږه ۵ تنه وژل شوي او د ښځو په شمول ۸۰ تنه ژوبل شوي چې د یو شمېر ټپیانو حال نازک دی.

د زابل چارواکي وايي چې ترهګر په یوه مازدا موټر کې سپور و او د ولایتي شورا د ودانۍ په خوله کې یې ځان والوزاوه.

د چاودنې په مهال (څه کم لس نیمې بجې) ګڼو خلکو د خپلو ستونزو د مطرح کولو لپاره ولایتي شورا ته مراجعه کړې وه.

یو شمېر ټپيان د درملنې لپاره کندهار ته وړل شوي دي.

د زابل امنیتي چارواکي وايي چې تروریست په موټر کې ۱۰۰۰ کیلو چاودېدونکي مواد ځای پر ځای کړي ول.

په بريد کې د ولايتي شورا ودانۍ او ځينې نورې دولتي ودانۍ يې هم ويجاړې شوي دي.

په ټپیانو کې د زابل د ولایتي شورا څلور غړي ژوبل شوي چې دوه یې ښځې دي.

دې برید د زابل ولایت د پوهنې، مخابراتو او ښځو چارو د ریاستونو او څازنوالۍ ودانۍ ورانې کړي یا سختې زیانمن کړي دي.

د ملګرو ملتو د راپورونو له مخې سږ کال په تېرو ۱۴ کلونو کې تر ټولو زیات ملکي افغانان وژل شوي دي. د ملګرو ملتو په وینا د ملکیانو لوی اکثریت د طالبانو په دې ډول چاودنو او انتحاري حملو کې وژل شوي دي.

طالبانو سږ کال له دې کبله حملو او تشدد اوج ته رسولی چې د ناټو او امریکا پوځیان د جګړې له میدانه وتلي دي.

3 total views, 1 views today

Leave a Reply

Your email address will not be published. Required fields are marked *