Categories

اعلان

Loading…

طالب مشرانو ته افغان پاسپورټونه ورکول کېږي

تاند- د کابل رسنۍ ادعا کوي چې د افغانستان حکومت د طالبانو یو شمېر غړیو ته سیاسي پاسپورټونه ورکوي.

د دغو رسنیو له ادعا سره سم، حکومت پرېکړه کړې چې د طالبانو ۲۱۰ غړیو ته سیاسي پاسپورټ ورکړي.

د حکومت هیڅ رسمي سرچینې تراوسه پوري په دې باب په ښکاره څه نه دي ویلي. طالبانو هم تر دې دمه په دې اړه عکس العمل نه دی ښکاره کړی.

ویل شوي چې کابل ته د پاکستان د صدراعظم نوازشریف او د دغه هیواد د پوځ د لوی درستیز د وروستي سفر په لړ کې پر دې سلا وشوه چې پکار ده د طالبانو د ځینو مشرانو نومونه د ملګروملتو له تور لیسته وایستل شي او سیاسي دفتر ورته پرانستل شي.

په دې موضوع د قطر په وروستي کنفرانس کې هم خبرې شوې وې.

د طالبانو اتو مشرانو د قطر په مرکز دوحه کې د افغانستان د سولې د عالي شورا له استازو سره مخامخ غیررسمي خبرې وکړې او په دې خبرو کې تر ډېره د سولې لور ته د دواړو خواوو نظرونه نژدې ښکاره شول.

ویل کېږي چې حاضردمه د طالبانو ۱۸۰ مشران پاکستاني پاسپورټونه استعمالوي خو د افغانستان حکومت به د دوی پاکستاني پاسپورټونه په افغان هغو وربدل کړي.

ویل شوي چې ۲۱۰ طالبان د خپل هیواد پاسپورټ ته اړتیا لري.

308 total views, 1 views today

Leave a Reply

Your email address will not be published. Required fields are marked *

۸