Categories

اعلان

Loading…

وسله والو طالبانو په پکتیا کې په لسګونو عام خلک برمته کړي

خبریال: حیران- د پکتيا مرکز ګردېز او سرحدي ولسوالۍ ډنډ پټان ترمنځ د غځېدلې لويې لارې په اوږدو کې وسله والو طالبانو شاوخوا ۵۰ تنه له نږدې ۳۰ موټرو سره يو ځای نامالومې خوا ته بيولي دي.

په تښتول شويو کسانو کې ښځې او ماشومان هم شامل دي.

د پکتيا امنيه قومندان پاسوال زلمی اورياخېل وايي، وسله وال طالبانو نن سهار شپږ بجې د سيدکرم ولسوالۍ اړوند بډم کلي کې لويه لاره بنده کړې او يو شمېر مسافر يې له موټرو ښکته کړي دي، چې ټول يې عام وګړي وو.

دی وايي، تر اوسه يې د وړل شويو کسانو په باره کې هيڅ معلومات نشته خو په وينا يې دوی يې په باره کې پلټنې کوي.

د پکتيا د ولايتي شورا غړی محمد رحمان قادري بيا وايي، چې د ګردېز او ډنډ پټان ولسوالۍ تر منځ غځېدلې لويه لاره د پنځو ساعتونو لپاره د ترافيکو پر مخ تړلې وه، چې ناپېژاندو وسله والو د همدې پنځو ساعتونو په اوږدو کې نږدې دېرش هغه موټر له لارې ګرځولي، چې مسافر يې مرکز ګردېز ته لېږدول.

نوموړی وايي، امنيتي ځواکونه په خپل مسوليت ادا کولو کې پاتې راغلي او د دې لارې د امنيت خونديينې کې بې غوري کوي.

د وسله والو طالبانو وياند ذبيح الله مجاهد وايي چې ياد کسان د دوئ له خوا د دې لپاره تښتول شوي چې دولتي مامورين او امنيتي کسان پکې چاڼ کړي، او په وينا يې له ملکي کسانو سره کار نلري او ډېر ژر به خوشي شي.

مجاهد وايي، په نيول شويو کسانو کې د دولت ۸ مهم کسان هم شامل دي .

تر دې مخکې وسله والو سختدریځو په زابل کې ۳۱ هزاره مسافر وتښتول او د هغو د خوشي کېدو په بدل کې یې د ازبکستاني بندیانو غوښتنه وکړه. داسي ښکاري چې طالبانو ته دا تاکتیک ګټور ښکاره شوی او غواړي چې د عامو خلکو د تښتولو په وسیله خپل نور بندیان خلاص کړي.

ياده دې وي چې د ثور د مياشتې له پيله را په دې خوا د پکتيا امنيتي وضعه خورا ترينګلې شوې او په اکثريت ساحو کې د حکومت مخالفان حاکم دي.

په دې اړه ولايتي شورا لا وار د مخه مطبوعاتي کنفرانس هم ورکړی و خو تر اوسه يې امنيتي چارواکو نيوکو ته څه مثبت ځواب نه دی ويلی.

85 total views, 2 views today

2 comments

  1. hassan Reply

    د پکتیاوالو د خدای مل شی ، هزاره ګانو خو خپل قوم او محمد کریم خلیلی په شان مشر درلود چی د خپلو بندیانو د آزادی لپاره یی تر وروستی لحظی په دولت فشار راوړ او خپل خلک یی خوشی کړل. پکتیاوال خو داسی کوم مشر نه لری او یواځی له خدایه د دخپلو نیول شویو کسانو خلاصون وغواړی ، له بلی خوا ‌دبیح ال …. منافق هم په خدای عقیده نه لری او یواځی په آی اس آی او پیسو عقیده لری . دوی ته چی پنجابیان هرڅه ووایی هغه عملی کوی. دبیح منافق وایی په نیول شویو کی کسانو کې د دولت ۸ مهم کسان هم شامل دي. دا پدی معنی چی منافق د کوم بل هیواد نمایندګی کوی او د افغانستان د دولت اته مهم کسان یی نیولی دی. په دولت کی خو حتما مامورین کارکوی خو د اتو نفرو په نیولو یو دولت نه فلج کیږی . یواځی یو څوکورنی پښتانه وژل کیږی او اولادونه یی یتیمان او ښځی یی کونډی پاته کیږی چی دا د دبیح منافق او دهغوی د ملګرو اصلی هدف دی. د بیګناه مسلمان وژل خو له اسلام سره تضاد دی نو اوس تاسو ورته فکر وکړی.

  2. Sheku Reply

    Hassan Jana Khola Sama Khorawa. te ekhpel zan gham kawa ka cherta domra ghairate we no beya za de Paktia de laroo Amniat wonesa. esta po tesho khabaro se na kege.

    Wa salam

Leave a Reply

Your email address will not be published. Required fields are marked *