Categories

اعلان

Loading…

برمته ګرو له ۳۱ یرغملو څخه ۱۹ تنه خوشي کړل

تاند- برمته کوونکو له هغو ۳۱ تنو څخه، چې د زابل په شاهجوۍ ولسوالۍ کې یې یرغمل کړي ول، ۱۹ تنه خوشي کړي دي.

دا کسان د فبرورۍ په ۲۳مه نېټه په داسي حال کې چې له ایرانه خپلو کورونو ته په دوو بسونو کې روان ول، د زابل ولایت په شاهجوۍ ولسوالۍ کې وسله والو برمته ګرو نامعلوم لور ته په مخه کړل.

د زابل او غزني د ولایتي شوراګانو رييسانو، چې د دغو یرغمل شویو مسافرو د خلاصون لپاره منځګړتوب او هلې ځلې کوي، وویل چې ۱۹ برمته نن سهار خوشي شول.

د غزني د ولایتي شورا ريیس خالقداد اکبري وویل چې دا ۱۹ تنه په جاغوري ولسوالۍ کې پرېښودل شول.

ده دا هم وویل چې اوس هڅه کېږي چې دا کسان د خوشي کېدو له ځایه د ولسوالۍ مرکز ته یووړل شي.

خو بل راپور وايي چې ۱۹ تنه خوشي شوي کسان د جاغوري ولسوالۍ مرکز ته رسېدلي دي.

د زابل د ولایتي شورا رييس عطا جان حقبیان هم د دغو کسانو خوشي کېدا تایید کړه.

ده پخوا ویلي و چې دوه برمته له برمته ګرو سره د بند په موده کې مړه شوي دي.

د غزني او زابل ولایتي ريیسان وايي چې د نورو یرغملو پر خلاصون هم خبرې روانې دي.

د افغانستان حکومت ویلي چې د دغو کسانو د خلاصون لپاره یې ۶ ملیون ډالره لګولي دي.

طالبانو د هغو تښتونه رد کړې خو د زابل چارواکو په دې بېښه کې داعش په لاس لرلو تورن کړی دی.

230 total views, 1 views today

1 comment

  1. خوشال ساپی Reply

    (هیڅ افغان له بل افغان څخه کم ندی او هیځ افغان له بل …)
    دا هغه شعار وو جی زمونږ ځینی شاغلو د ټاکنیز کمپاین په وخت کی ویلو او خلک یی پری غولولو.
    ولی اوس معلومه شوه چی دا یو شعار دی او د شعار تر حده به پاتی شی. یو څه وخت مخکی په همدی ارزګان ولایت کی 5 تنه پشتانه مخالفو وسلوالو وتختولو او بیا یی شهیدان کړی، ولی دولت دومره زحمت هم ونکړ چی یو موټر پولیس ساحی ته دهغی د لټولو لپاه ولیګی. خو کله چی 31 تنه هزاره وګړی وتختول شول او دا هم معلومه نه وه چی د چا له لوری نو بیا خپله اشرف غنی وایی چی 6 ملیونه ډالره مو پری مصرف کړل. تختونکو ته پیسی ورکړل شوی او د خلاصون په بدل کی یی خلک خوشی شول. اوس زه نه پوهیږم چی دا مشران دروغ وایی؟ که شعارونه یی دروغ دی؟ او یا هم ….

Leave a Reply

Your email address will not be published. Required fields are marked *

۸