Categories

اعلان

Loading…

سړی نو څه ولیکي؟ / مطیع االله عابد

ملګري کله کله پوښتنه کوي چې په تاند کې لیکل ولې نه کوم؟ نو ورته وایم. نو څه ولیکم. هرڅه خو معلوم دي. پټ څه پاتې دي او ناویلي څه دي؟

لیکل خو هله خوند کوي چې خلک لیکل مني. د الله لیک څوک نه مني. نو د مطیع الله لیکل څه معنا؟ یو دور کې چې سرونه د تنو نه پریوتي په سینو پراته وي، د سر او شملو خبره به چا ته کوې. باز عابد ډیر کتابونه او وهیل چیرونه خلکو ته ورسوي. خو بیا یو ډز شي او کتابونه پاڼې پاڼې شي او وینې وینې د نارنج ګل پاڼې شي.

لیکل خو یو پیغام غواړي. مخاطب خو یو کلام غواړي. دلته پیغام په فیتو کې بند دی او مخاطب خپلو وسوسو کې. داخطار وخت کې اخبار څوک لولي. د دړکو په دور کې مجلې څوک اخلي؟  هلته چې د زړه د آواز نه زیات زور اوازو کې وي. هلته چې د حجرو نه زیات مخلوق په جنازو کې وي. نو کڼو ته څه بیان،هدیرو ته څه وینا؟ چې پریوتي ناست په بام وي او سرونه ورته په سلام وي نو هلت به څه مضمون او څه کلام وي؟

کتابونو نه چې د کبابونو په دوکان بیرو بار زیات وي. د مازغو نه زیات چې خیټې د خوړو غم لیوني کړي وي. هلته کتاب چاپول، مقالې لیکل او ورځپانې خپرول دې نه پرته ګټه نه لري چې کتاب تحفو کې لاړ شي. مقالې په لفافو کې اورځپاڼې پکوړو کې.

د واي فايي زمانه ده. انټرنیټ د ټویټر او فیسبوک زمانه ده.هر څه لنډ او مختصر چلیږي. د لیکنې دریم لاین ته ېې خلق تنګیږي. خلک د تحریر نه زیات د تصویر شوقیان شویدي. سل ورځو په زحمت لیکل شوې څیړنه دلوستونکي په ارمان زړه شي او لس ثانیو کې اخیستل شوی عکس ته ټوله ورځ خلک ناست وي. شاعر نه سندر غاړي مشهور وي ،د متفکر نه متکبر زور وي.

هغه زمانه کې د لیکلو غوښتنه کیږي ، د شعر پوښتنه کیږي . کوم دور کې چې ملي سرود شاعر د ملي شورا نه د یو سلو شلو رایو حق هم په نیم زړه اخلي. ملي سرود ته ېې دریدی نشي او شاعر ته ېې راېې ورکوی نشي. نو چاته ېې لیکي او څه لیکي؟

کتابخانې خالي او بالا خانې ابادېږي. سل تعلیمي سندونه د یو چیک قربانیږي . ایجوکشن نه زیات کنکشن مهم دی. شل کاله په مکتبونو کې خواري کوه او بیا بیسوادانو ته زاري کوه. یو ځای کې چې شپاړلسم پاس قاچافبرو سره مرګ ته ځي او شپږم پاس موټرو سره ارګ ته ځي .نو هلته حق لیکل،اٌصول ویل او قانون یادول.د پیښوریانو خبره خوشې بکواس دي.

خو بیا هم خلک شته چې حوصله نه بایلي او مقالې پسې مقاله لیکي مقابله کوي.وايي چې که دا نسل نشي بل به بدل شي.که نن مو خپل نشو، خو سبا به مو خپله شي. هیلې لیکلي ،ارمان لیکي.ایمان او وجدان لیکي. افغان لیکي او افغانستان لیکي.

موږ به ېې هم لیکو .

چې دا نه کوو ،نو نور خو مو څه زده هم نه دي.

802 total views, 1 views today

7 comments

  1. نجیب ا لله علیزی Reply

    ګران مطیع الله خان عابد صاحب ته سلام !
    انډیواله په ګوتو دی برکت شه !

  2. لالا ، بټنوال Reply

    عابد صيب ! ستاسې د قلم ژبې ته د واقعيتونو په ليکلو دوه لاسي سلام ، په ژوند دې برکت

  3. حبیب الله را حل Reply

    عا بد صا حب په ذهن، ژبه او قلم د برکت شه، ډیر په ځای لیکل د کړي دي، را شه زموږ حا لت ته وګوره چې په دې له ځنا ورو ډکه (البته یو کم شمیر ټول نه) ټو لنه کې ژوند کوو شپه او ورځ د زړو وینې خورو ټول د یو څو د پرد یو د غلا ما نو په لو مو کې ګیر پا تې یو.

  4. shahed Reply

    بلکل په ځای

  5. نازک هلمندی Reply

    خبره خو دی ښه ده… خو وروره ډیر څه د لیکلو لپاره شته
    تا ته لکه چی د نن سبا زمانی د فرعونانو ناکردی نه معلومیږی
    د نن سبا فرعونان خو د سړک د سر د عسکر نه نیولی بیا د ولایتی
    شوراګانو تر ریسانو، مامورینو او نورو او همدارنګه د برق د ریاست
    د رشوت خورو، او ډیر داسی نورو قیصی خو اوس هم دغسی پټی پاتی
    دی چی بربنډول غواړی

  6. عبدالرووف لیوال Reply

    عابد صاحب دې ژوندی اوخوشاله وی

  7. Zadran Reply

    Abid Sir,Salaam,your right.

Leave a Reply to عبدالرووف لیوال Cancel reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2