Categories

اعلان

Loading…

افغان چارواکي وايي چې د فراه ولایت د مرکز د نیولو لپاره یې د طالبانو حملې ناکامې کړې

تاند- د فراه ولایت چارواکي وايي چې افغان امنیتي ځواکونو د دې ولایت د مرکز د نیولو لپاره د وسله والو طالبانو پراخه حمله په شا تمبولې ده.

یوه افغان امنیتي چارواکي میر اسدالله خان کوهستاني رسنیو ته وویل چې امنیتي ځواکونو له دوې ورځینۍ خونړۍ جګړې وروسته پر فراه ښار د وسله والو طالبانو بریدونه ناکام کړل.

کوهستاني د چین سینهوا خبري اژانس ته وویل:«د دښمنانو ۱۴ مړي پاتې شوي او نور د فراه ولایت د مرکز له شاوخوا سیمو په څټ شوي دي. دوی د افغان امنیتي ځواکونو له سخت مقاومت سره مخامخ شول.»

په فراه کې جنرال کوهستاني وايي چې افغان امنیتي ځواکونو تصفیوي عملیات پیل کړي او کلکه اراده یې کړې چې ټول حمله کوونکي طالبان، چې اوس په تېښته دي، ووژني یا ونیسي.

له بلې خوا د فراه د ولایتي شورا ريیس فرید بختور نن رسنیو ته وویل چې سلګونو وسله والو سختدریځو له شپږو خواوو څخه د ولایت د مرکز، فراه ښار، د نیولو لپاره د دوشنبې په سهار بریدونه وکړل خو امنیتي ځواکونو کلک ځواب ورکړ او هغوی یې پسې واخیستل.

بختور وايي، که سختدریځو په فراه کې ځان ټینګ کړی وای ګاونډي ولایتونه هرات او نیمروز یې هم له دې ولایته بې ثباته کولی شوای.

د فراه والي اصف ننګ هم د طالبانو برید تایید کړ خو ویې ویل چې د دښمن دسیسه او پلان شنډ شو.

ده همداراز وویل، دښمنان په بالابلوک او دلارام ولسوالیو کې ماته وخوړه او امنیتي ځواکونه بریالي شول چې هغوی پسې واخلي.

ښاغلي ننګ په عین حال کې وویل چې په جګړو کې ۳ امنیتي ځواکونه وژل شوي او ۶ نور ټپیان شوي دي.

فراه دوهم ولایتي مرکز دی چې په تېرو دیارلس کلونو کې طالبان د هغه د نیولو هڅه کوي. تر دې پخوا طالبانو هیڅکله د کوم ولایت د مرکز د نیولو لپاره حمله نه وه کړې.

په وروستیو دوو اوونیو کې په سلګونو طالبانو د کندوز ښار د نیولو هڅه وکړه، د دغه ښار تر لمنو یې ځان ورساوه خو بېرته شاتګ ته مجبوره شول.

354 total views, 1 views today

1 comment

  1. عبدالجبار(ریاض) Reply

    دفراه په نیولو کی دخلکو همکاری :
    که چیری تاسی وضع د نژدی وګوری دفراه ولایت په نیولو کی ولس دطالبانو همکاری کوی داچی ولی ملکی خلک دطالبانو سره همکاری کوی زما په اند لاندی لاملونه لری
    ۱:لومړی داچی دفراه ولایت اکثره حکومتی چارواکی په فساد او رشوت کی لاس لری او دی خلک دی ته مجبور کړی دی چی دوسلوالو طالبانو سره یوځای او دحکومت په وړاندی جګړه وکړی ځکه چی خلک نور دفساد څخه ستومانه شوی دی او غواړی چی یوسالمه اداره رامځته شی او وکولای شی چی دخلکو ستونزو ته رسیده ګی وکړی
    ۲: دوهم لامل یی دادی چی فراه ولایت اکثره دخلک اقتصادی مشکل سره لاس او ګریوان دی چی کار بار نسته او دوی دپخوا پشان ایران ته هم نشی تللی ځکه چی ایران اوس افغانانو ته په ډیره سخته اجازه ورکوی چی دکاربار لپاره ولاړشی کله کله خو داسی هم پیښه شوه چی افغانان په قاچاقی غواړی دایران خاوری ته داخل شی هغه ووژل شی او یاهم ونیول شی رامرض یی کړی نو فراه ولایت خلک مجبور دی چی دیوداسی ډلی سره شی چی یوڅه په لاس راوړی نو بلی لار دوی نه لری بیله دی چی دمخالفینو سر یوځای شی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2