Categories

اعلان

Loading…

بحرین ځوانوافغان خبريالانو ته په دغه هېواد کې د زده کړو زمينه برابروي

  د افغانستان د سپورټي خبريالانو پلاوي د بحرین د سپورټي خبريالنو د مشر او د آسيا د سپورټي خبريالانو د ټولنې له مرستيال سره وکتل.

خبریال: احمد شعيب دوست – د افغانستان د سپورتي خبريالانو د فدراسيون پلاوي نن په پېښور کې د بحرین د ورزشي خبريالانو د ټولنې د مشر محمد قاسم او ور سره پلاوي سره ولیدل.

په لیدنه کې د افغانستان د ورزشي خبريالانو د فدراسيون رئيس سائر ځلاند په افغانستان کې د خبريالانو پر ستونزو خبرې وکړې او بحرین له ټولنې يې غوښتنه وکړه چې افغانستان سره په دې برخه کې همکاري وکړي.

نوموړي وویل چې اوس په افغانستان کې ژورناليزم مخ پر وده دی او په نړيوالو سياليو کې په بېلابېلو برخو کې د افغان لوبغاړو ښې کار کردګۍ ژورناليستان دغه برخې ته ډېر لېواله کړي دي چې له کبله يې په هېواد کې ګڼ شمېر ژورنالیستان د پرنټ، تلويزیون، انلاین او فوټو په برخه کې کار کوي.
ځلاند د آسيايي خبريالانو د ټولنې د مرستيال محمد قاسم سره په دې اړه هم خبرې وکړې چې دواړه هېوادونه به د ژورنالیستانو لپاره زمينه برابروي چې په بحرین کې ورته ټریننګونه ورکول شي او د ورزشي خبريالۍ په برخه کې نورې معياري زده کړې وکړي.

1د هغه په خبره افغان ژورنالیستان اوسمهال د ډېرو ستونزو سره لاس او ګرېوان دي او له نړېوالې ټولنې يې غوښتنه وکړه چې په هره ممکنه برخه کې ور سره همکاري وکړي.

د بحرین د ورزشي خبريالانو د ټولنې مشر محمد قاسم ژمنه وکړه چې د افغانستان د ورزشي خبريالانو د فدراسيون سره به هر راز مرستې کوي او په نږدې راتلونکي کې به افغان ژورنالیستان دغه هېواد ته ور وغواړي او همدا شان به ځوانو خبريالانو ته زمينه برابره کړي چې په بحرین کې د ژورناليزم په برخه کې نورې زده کړې وکړي، د نړيوالو خبريالانو تجربې واخلي او په خپل هېواد کې د نورو خبريالانو سره شريکي کړي.

د افغانستان د سپورټي خبريالانو ټولنه چې له تېرو دوه کلونو را هيسې په افغانستان کې جوړه شوې، خو تر اوسه د فعالیت وړ نه، تېره مياشت ددغه فدراسيون نوي رئيس سائر ځلاند په مشرۍ بیا فعالیت پيل کړ او په خپل لومړي سفر کې يې د بحرین د خبريالانو ټولنه راضي کړې چې ځوانو ژورنالیستانو ته يې پروګرامونه جوړ کړي او د ورزش په برخه کې ورته زده کړې ورکړي.

ياده ټولنه اوسمهال په لسو بېلابېلو ولایتونو کې نمايندګۍ لري او ديرش تنه غړي لري چې غواړي د سپورټ د ودې په برخه کې هېواد کې کار وکړي.

6 total views, 1 views today

Leave a Reply

Your email address will not be published. Required fields are marked *