Categories

اعلان

Loading…

د کارګر نړیوالې ورځې په اړه د میدان وردګو سرپرست والي پیغام

که غواړو چې په هېواد کې مو شته ستونزې لمنځّه ولاړي شي، پکارده،هغه دندې چې راسپارل شوي، مسؤلیت یې احساس او ځواب ویونکې یې ووسو.

دغه خبره د ميدان وردګو سرپرست والي ښاغلي عبدالمجید خوږياڼي د کارګر د نړیوالې ورځې په مناسبت د خپل پیغام په ترڅ کې وکړه او زیاته یې کړه پوره ۱۲۵ کاله وړاندې په ۱۸۸۹ میلادي کال کې د ګارګر نړیواله ورځ د نړیوالې کنګرې د پرېکړې پر اساس ونومول شوه او هغه مهال دغه ورځ نومولو ته اړتیا پیدا شوه،کله چې په ۱۸۸۶ میلادي کال کې د مۍ په لومړۍ ورځ د امریکا په شیکاګو ښارکې له ۴۰ زرو ډیرو کارګرو د خپلو حقوقو د ترلاسه کولو په موخه چې په کې عادلانه قانون رامنځته کول،سوکالي او دامکاناتو زیاتوالې غوښتنې شاملې وې لاریون وکړ،چې دغه لاریون کوونکي د امریکا د پولیسو لخوا وځپل شول،چې له امله یې زیات شمیر کارګرو ته مرګ ژوبله واوښته .

د ميدان وردګو سرپرست والي ښاغلي عبدالمجید خوږياڼی وايي : په دغه نړۍ کې هر انسان کارګر دی، او کارګر د یوې ټولنې فکر او جسم دی او که انسان فکر اوجسم ونلري نو ژوند نشي کولای.

نوموړی زیاتوي د الله تعاله په پاک کلام کې هم د کار او کارکوونکي په اړه زیاتې سپارښتنې شوي او ویلي یې دي چې انسان یواځې په کار او هڅو سره یوڅه ترلاسه کولای شي،نو باید ووایو چې بیکاري،سستي او تنبلي د انسان د بې وزلۍ او انحطاط سبب ګرځي

د ميدان وردګو سرپرست والي له ټولو افغانانو څخه وغوښتل چې کار وکړي،ترڅو په نورو پیټی نشي،ځکه د الله تعاله ج رسول ص ویلي تر ټولو بد هغه کس دی چې په نورو پیټی دی،همدا راز کار کول عبادت هم دی،ځکه رسول الله ص فرمایي د اویا ډوله غوره عبادتونو څخه حلالې روزې ګټلو په موخه کار پیدا کول تر ټولو بهترین دی.

هغه زیاته کړه انسان باید د هغو کارونو په وړاندې چې په غاړه یې لري مسئولیت منونکی او ځواب ویونکی وي او هغه په ژمنې او کاري وجدان سره ترسره کړي، ځکه د اسلام ګران پیغمبر حضرت محمد(ص) فرمايي:الله تعالی دا خوښوي چې کله یې بنده د یوه کار مسئولیت په غاړه اخلي نو هغه سم او ټینګ ترسره کړي .

هغه وویل : کارکوونکی د هرې ټولنې زیاته برخه جوړوي چې د هېواد په اقتصاد هم زیاتې اغیزې لري ،اسلام کارکوونکي ته د قدردانۍ په سترګه ګوري او هغه په غوره او شریفو صفتونو ستايي .

هغه همدا راز د کارګرو هغه مالکان چې د دوی په حقوقو سترګې پټوي په اړه وویل،دغه کسان د خدای د رحمت هیله نه شي کولای او دا د اسلامي حکومت دنده ده چې د زیارکښو کارګرو له حقوقو دفاع وکړي،نو په ميدان وردګو ولايت کې ټولو کارګرو ته د دغه ورځې د مبارکې ترڅنګ ژمنه ورکوم چې د دوی هر ډول حق تر لاسه کولو په موخه زه د یوه کارکوونکي په حیث د دوی په څنګ کې یم او په دغه ولايت کې به هیڅوک پرې نږدم چې د دوی حقوقو ته زیان ورسوي.

د میدان وردګو ولایت مطبوعاتي دفتر

6 total views, 1 views today

Leave a Reply

Your email address will not be published. Required fields are marked *