Categories

اعلان

Loading…

ولې ولسمشر سياسي ګوندونه ځپي؟! / ع، ابراهيمي

د ولسمشرۍ په ټاکنو اکثريت سياسي ګوندونو په ځانګړې توګه د جهادي مفکورې په اساس ولاړو ګوندونو له اشرف غني څخه خپل ملاتړ اعلان کړ چې د همدې ملاتړ په اساس اوسنى ولسمشر په دې بريالى شو چې د افغانستان په ګوټ ګوټ کې زياتې رايې راخپلې کړې.

د اشرف غني او جهادي سياسي ګوندونو ترمنځ تفاهم او توافق په خپله يوه معجزه وه خو هرڅه چې وو کيداى شي دا کار د هيواد دملي ګټو د ساتنې په خاطر شوى وي.

خو په ټاکنو کې زياتې ستونزې رامنځته شوې چې په پايله کې د ملي يووالي حکومت جوړ شو چې په دې برخه کې د نړيوالې ټولنې په ځانګړې توګه د امريکا دمتحده ايالاتو فشار هم څرګند او محوري رول درلود،ځکه چې د لانجې مخه ونيول شوه او د ملي يووالي حکومت جوړښت رامنځته شو.

دا چې د ملي يووالي حکومت تر دې مهاله څه کړي او کومې لاسته راوړنې لري ټول ولس ته څرګنده ده چې يادونې ته يې هيڅ اړتيا نشته ده ځکه پرته له سفرونو نور څه نشته دي.

د نړۍ په اکثريت هيوادونو کې په ځانګړې توګه ديموکراتيکو هيوادونو کې چيرته چې ولسواکي واکمنه وي او سياسي ګوندونه فعاليت کوي د حکومت په ټولو چارو کې د سياسي ګوندونو له مشورو کار اخيستل کيږي.

په افغانستان کې هم سياسي ګوندونه شته خو تراوسه پورې يې معياري او ولسواکه بڼه نه ده خپله کړې، اړتيا ده چې د سياسي ګوندونو حمايت وشي او دحکومت په ټولو چارو کې د سياسي ګوندونو له مشورو او کړنلارو څخه په اغيزمنه توګه ګټه پورته شي،ترڅو په تدريجي توګه هم ګوندونه په ټولنه کې خپل اغيزمن اقتدار ثابت کړي او هم وکولى شي د ملي ګټو او ولسي غوښتنو سره سم رغنده ملي سياست وکړي.

ولسمشر غني خپله يو تکنوکرات، په ديمو کراسۍ پوه او علمي شخص دى،د ټاکنو پرمهال يې ولس ته ويلي وو چې سهامي شرکت به نه جوړوي،د چوکيو په سر به معامله نه کوي او خپلې ټولې چارې به دقانون په رڼا کې سرته رسوي.

خو اوس دنوموړي جديت،قاطعيت او قانونيت تر ګټو زيات زيانونه رامنځته کړي دي،ځکه ورځ تر بلې د نوموړي څخه خلک فاصله نسي،په چارو کې ځنډ رامنځته کيږي،سياسي ګوندونه منزوي کيږي او زيات هغه کسان چې په حکومت کې ښې کاري تجربه لري هغه هم په پرلپسې توګه ګوښه کيږي او پرضد يې دسيسې جوړيږي.

د بېلګې په توګه د افغان ملت ګوند،اسلامي محاذ ملي ګوند،جبهه نجات ګوند،د حرکت انقلاب ګوند،مولوى خالص ګوند او اسلامي حزب شوراګانې چې په ټاکنو کې د ولسمشر اشرف غني کلکه ملاتړ وکړ او ولسمشر غني هم ور سره په سياسي قدرت کې د مشروع مشارکت ټينګې ژمنې وکړې ولې هغه ژمنو ته هيڅ درناوى ونه شو او په پرلپسې توګه همدغه ګوندونه منزوي کيږي، افراد يې له حکومت ايستل کيږي.

دا هيواد اوس په مهمو حساسو سياسي او امنيتي شرايطو کې قرار لري ملي اړتيا ده چې ولسمشر په ټولو ملي مسايلو کې د سياسي ګوندونو حمايت ولري، له سياسي ګوندونو سره شوې ژمنې عملي کړې، دسياسي ګوندونو له کدرونو ګټه پورته کړي.

دا خطرهم موجود دى که چيرې ولسمشر همداسې خپل حرکت ته دوام ورکړي يواځې خپله خبره واوري او نور هرڅه ته شا کړي د ملي يووالي حکومت به له سقوط سره مخ شي او زياتې ناخوالې به رامنځته شي.

په کار ده چې هم د ملي يووالي حکومت وساتل شي،هم نظام ته ضربه وارده نه شي او هم له ولس سره شوې ژمنې ورځ تربلې عملي شي، ولسمشر اشرف غني دې انفرادي مزل نه کوي بلکې ملي مزل دې پيل کړي.

—————————–

د لیکوالو له نظر سره د تاند د دریځ یووالی ضروري نه دی. دا او نورې لیکنې ممکن د یوه شخص یا یوه ګوند دریځ وي.

388 total views, 1 views today

1 comment

  1. Mohamad Aazam Reply

    Grana likonkya salam,wrosta de sehat ghwarm, ka chere de sa bande saloro lasizo moshkelat bya po de hasaso sharaeto ke de hal war wae bya staso gila sama wa kho dede por zae che gile wokro razy che de Ghani tar sha wodarigo aw yaw zae harakat wokro aw par makh wlar shoo na da che ciaci mokhe la najaezo tablighato la makhe tar lasa kro. Taso de Ahadi krawra de malye po wezarat ke khpala lidli di fekr kawam zarorat ba tafsil ta na wee.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2