Categories

اعلان

Loading…

په پاکستان کې مېشت افغان مهاجريننو د اجرائیه ریاست له لومړي مرستيال سره وکتل

دغه ليدنه چې د وري د میاشتې په ۲۳ مه نېټه په مرمرينه ماڼۍ کې تر سره شوه، د مهاجرينو استازو په پاکستان کې د مهاجرو افغانانو د ستونزو په هکله په بشپړ تفصيل سره خبرې وکړې.

 په پاکستان کې د افغان کډوالواستازي قوماندان عبدالقدوس لودین  وويل: په ګاونډي هېواد کې د سیمې او هېواد د سیاسي فضاء په بدلېدو سره زمونږ ستونزې ورځ تر بلې په زیاتېدو دي، تعليم، امنيت، روغتيا، د حجاج کرامو او تاجرانو ستونزو سربېره د غم او ښادۍ په مراسمو کې یو له بل سره د خواخوږي او خوښۍ شیبو د شریکولو پر مخ د ګاونډي هېواد د مسئولينو لخوا راپېښېدونکې خنډونه او ستونزې، هغه موارد دي چې په یاد هېواد کې یې د مېشتو افغان مهاجرينو ژوند له سختو مشکلاتو او ستونزو سره مخ کړی.

لودین زياته کړه، چې په ګاونډي هېواد کې یې نور د عزت ژوند تېرول ستونزمن شوی، دوی غواړي چې د افغانستان اسلامي جمهوري دولت تر سيوري لاندې په خپل هېواد کې له خپلو هېوادوالو سره په ګډه او ارامه ژوند وکړي او له دولت څخه یې غوښتنه وکړه چې د مهاجرينو بېرته ستنېدو لپاره زمينه برابره کړي.

په پای کې د اجرائیه رياست لومړي مرستيال ښاغلي انجینیر محمد خان د دوی ستونزې پر ځای وبللې او ډاډ یې ورکړ چې د ملي وحدت حکومت د مهاجرینو ستونزو ته لومړیتوب ورکوي او حکومت په دې هڅه کې دی چې په نږدې راتلونکي کې یې ستونزو ته مناسب حل لاره ولټوي.

د اجرائيه رياست لومړي مرستيال همدا راز وویل چې د هېواد په ابادۍ کې د ټولو هېوادوالو ونډه اړينه ده او بايد افغان مهاجرين هم د نورو افغانانو په څېر د خپل هېواد په آبادۍ کې برخه واخلي.

نوموړي زیاته کړه چې د مهاجرينو بېرته راستنېدل نه دا چې د هېواد په ابادۍ کې به مرسته وکړي بلکې په هېواد کې د أمنيت په ټينګښت کې هم خورا مهم رول لري.

3 total views, 1 views today

Leave a Reply

Your email address will not be published. Required fields are marked *