Categories

اعلان

Loading…

د امنیتي ځواکونو په توغول شوي راکټ ۲ تنه مړه او ۵ ژوبل شول

خبریال: نوراحمد حیران – د پکتيا په احمد­خېلو ولسوالۍ کې د افغان ځواکونو د يو توغندي له کبله اوه تنه ملکيانو ته مرګ ژوبله اوښتې چې دوه يې وژل شوي او پنځه نور يې ټپيان دي.

شاهدان وايي چې افغان امنیتي ځواکونو له وسله والو طالبانو سره د نښتې په ترڅ کې توغندی وویشت.

په وژل شويو کې يو ماشوم او يوه ښځه او ټپيان يې پنځه واړه ماشومان دي، چې د ګردېز ملکي روغتون کې تر درملنې لاندې دي.

د دې روغتون مشر ډاکتر حياګل پکتين وايي چې د ټپيانو روغتيايي حالت ډاډمن دی.

د پېښې د قربانيانو خپلوان وايي، د وسله والو طالبانو او افغان ځواکونو ترمنځ د نښتې په ترڅ کې د دوی په کور توغندی ور برابر شو چې له کبله يې اوو تنو ته مرګ ژوبله واوښته.

د پېښې قربانيان له حکومته ناراضه دي او ترې جدي غوښتنه کوي چې نور دې د ملکيانو په کورونو توغندي نه اوروي.

د پکتيا مرستيال والي عبدالولي سهي وايي چې په پېښه کې يوازې ملکيانو ته مرګ ژوبله اوښتې.

نوموړی وايي، داسې اوازې دي چې دا توغندی د ملي اردو له قرارګاه څخه راتوغول شوی دی خو په وينا یې کره معلومات لا هم نشته چې توغندی چا توغولی.

له دې پېښې څو ورځې وړاندې په زرمت ولسوالۍ کې هم د ملي اردو د يو توغندي له کبله درې تنه ولسي وګړي ووژل شول چې يوه پکې ښځه وه.

د پسرلي له پيل سره سم د پکتيا په ځينو سيمو کې يو ځل بيا نښتو زور اخيستی چې دواړه لوري د ملکيانو ژوند ته توجه نه کوي.

135 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2