Categories

اعلان

Loading…

وزګارتيا، د هيوادوالو ستره ستونزه

محمدابراهيم سپېڅلی، کندهار – 

د يوې ټولني ښېرازي او پرمختګ د هغې ټولني د ټولو خلکو په کلک زيار او زحمت پوري تړلی دی.

د نړۍ په تاريخ کي هرهغه ټولنه، چي وګړو يې لاسونه تڼاکي کړي او د تندي خولې يې توی کړي، هغوي ترډېره خپلو هيلو ته نږدې سوي دي.

هيڅکله يوه ټولنه او دهغي اوسيدونکي د پرمختګ لوړو پوړويو ته ترهغه مهاله نه رسيږي، ترڅو چي کار او سخت کار ونه کړي.

کاراوخولې تويول د راتلونکي هوسا ژوند يو پوخ اساس دی، ليکن دا پوخ اساس يوازي په خلکو پوري هم نه دی تړلی، بلکي ددې هوسا ژوند لپاره دولت هم لوی مسؤليت لري، چي د ټولني خلکو ته د کارزمينه چمتو کړي.

اوسمهال، چي په هيواد کي ترمخکنيو وختونو وزګارتيا اود خلکو بېکاري ډېره سوې، ددې لوی مسؤليت ددولت پر اوږو دی، ځکه خلک هرسهار په کار پسې لالهانده ګرځي، خو کار لکه همای مرغه چاته په لاس نه ورځي.

پښتانه متل کوي، چي ( له بېکاره خدای بېزاره ) يالکه عالمان، چي وايي، (د بېکاره سړي په ذهن کي شيطان ځاله جوړوي. )

کوم وخت، چي د خلکو په ذهن کي خدای مه کړه شيطان ځاله جوړه کړي، نوبيابه همدغه کس خپلي ټولني  ته سترګواښ وي.

 زموږ په هيواد کي سياسي تپل سويو ناخوالو دا خبره په ثبوت رسولې ده، چي د دغسي وزګارکسانو په مرسته تل د جګړې نغری تود ساتل سوی، چي د تاوان بڅرکي يې د ټول هيواد دښتي ، غرونه او ښارونه لولپه کړي دي.

په دې وروستيو کي داسي ډېر خبرونه خپاره سول، چي ارپا اود غربي نړۍ نورو هيوادونو ته تلونکي د قاچاقي مسافرو بېړۍ په اوبو کي ډوبي سوي او د سپرليو ارمانونه يې له غوښو سره يوځای د سمندري نهنګانو او کبانو نس ته لوېدلي دي.

همدارنګه د سوريې په جګړه کي ايران له هغو وزګارو افغانانو څخه ګټه اخلي او په پرديو هيوادونو کي يې په ډېره ناڅيزه تنخوا جنګوي.

ښکاره خبره ده، چي له دغسي جنګونو څخه ژوندي وتل خورا سخته خبره ده، ليکن داکسان له وچي مجبورۍ څخه وسله په لاس سنګر ته ځي، څه فکر کوی، چي که دغو کسانو ته د خپلي کورنۍ ترڅنګ د کار او يوې ګولې ډوډۍ پيداکيدلو زمينه چمتو وای آيا دوی غوښتل، چي خپل ځانونه دسمندري نهنګانو يوه ګوله کړي يايې هم د سوريې په دښتونو او ريګونو کي غوښي حيوانات وخوري؟

په ۲۰۰۹ عيسوي کال کي د ملګرو ملتونو يوه څېړنه ښيي، چي د پناه غوښتونکو په ډله کي تر هرچا زيات افغانان پرديو هيوادونو ته په قانوني او غيري قانوني ډول تللي دي.

د څېړني له مخي په دوهمه کټګوري کي عراقيان  او بيا داسی د نورو جګړه او اقتصاد ځپلو هيوادونو اوسيدونکي په يوې ګولې ډوډۍ پسې سرګردانه يوې او بلې خواته وتلي دي.

افغان ګډ دولت ته په کار ده، چي ترهرڅه لومړی د خلکو د وزګارتيا غم وخوري، ځکه دامهال د افغانانو په مخکي بېکاري يوه داسي لويه ستونزه ده، چي ددوی د ژوند پراکثرو اړخونو يې سيوری غوړولی دی.

همدا بېکاري ده، چي خلک له دولت څخه ورځ تربلي واټن نيسي، همدا بېکاري ده، چي ناامني زياتيږي، همدا بيکاري ده، چي سوداګر له هيواده پانګي نړيوالو بانکونو ته انتقالوي.

اوسمهال په ټول هيواد کي د خلکو لومړنۍ غوښتنه د کار زمينه چمتو کول دي، دا چي څه ډول دولت مسؤليت او مکلفيت لري، چي د خپلو کړو وعدو پربنسټ د هيوادوالو اساسي ستونزي ته د حل معقوله لار پيدا کړي.

231 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2