Categories

اعلان

Loading…

د استنجا او حلوا قلمداد/ عصمت قانع

د شر او فساد اصطلاح د طالبانو په وخت کې اختراع شوه. هسې هم زموږ هېواد د ساینسي اختراعاتو ټاټوبی نه دی، د مرګونو، تاړاکونو، قتلونو، انسان وړونکو توپانونو او مدنیت ځپونکو سیلاوونو ټاټوبی دی او دلته هغه اصطلاحات اختراع کېږي، چې د پرمختګ پر ځای د وروسته پاتې والي مفاهیم وړاندې کوي.

تر دې وړاندې د خلقیانو په وخت کې یوه اصطلاح اختراع شوه، دغه اصطلاح د اشرارو اصطلاح وه. که به څوک د اشرارو په ګناه ونیول شو، نو د نورو نومونه به یې هم له ځان سره غوټه کړل او چې له ځان سره به یې نور هم د زندان مېلمانه کړل. دغو مېلمنو ته به یې قلمداد ویل.

د بولدک حاجي تورک اکا د امین په وخت کې د کندهار په محبس کې بندي وو. ما ورته وویل، چې حاجي کاکا ته یې په کومه ګناه راوستی یې؟ راته ویل یې چې زه قلمداد یم، یعنې بل چا له ځان سره د اشرارو په لېست کې قلمداد کړی وو.

د اشرارو په نامه په لسهاوو زره کسان په محبسونو کې پراته وو، چې په لسهاوو زره ورسره بې ثبوته د قلمداد خېلو په ونډه کې د زندان مېلمانه وو.

چې خلقیان د روسي لښکرو په زور له قدرت څخه وشړل شول ببرک کارمل د میر غضب اصطلاح اختراع کړه.

د امین ټول پلویان د میر غضب له ذاته وو. یوه میر غضب به په لسهاوو تنه نور میر غضبان له ځان سره د زندانونو خواته کشول او ببرک د میرغضب په ګناه محاکمه کول.

د ببرک کارمل وخت تېر شو، نجیب رانسکور شو او د مجاهدینو واکمني جوړه شوه. مجاهدینو د زندانونو پر ځای په قتلونو اکتفا کوله. چې زړه به یې وغوښتل په هماغه ساعت به یې ډز راکېټ والوزاوه او د کفر او الحاد د قتلان په ثواب به یې د جنتونو حورې او غلمان په قباله واخستل. چې د مجاهدینو پروژه ختمه شوه، نور وار د طالب جان شو.

طالب جان مجاهدین پسې واخستل، فرار یې کړل او د فرار تر شا یې د شر او فساد تازیانه پسې واخستله او مجاهدین په منډو شول.

طالبانو د شا لخوا سندرې پسې شروع کړې، خو ډنګ او ډمبک یې نه پسې غږاوه. تبلې یې اعدام کړې، ربابونه یې په ابدي حبس محکوم کړل او د هارمونیې پردې یې د اور میلمنې کړې.

دوی نو په تښتېدلو قوماندانانو پسې دا سروکی په بې موسیقۍ غړانګو کې زمزمه کاوه:

هغه وخت مې نشته اوس په ځان یمه حیران بي بي

های نه یم قوماندان بي بي، وای نه یم قوماندان بي بي

طالبانو هم زندانونه نه درلودل او کیسه یې ژر ختموله. ویل یې که ګنهګار شر او فساد وي د خپلې ګناه جزا یې ولیدله او که بې ګناه وي، هغه ده جنت ته به ولاړ شي.

د طالب وخت هم تېر شو، بیا نو دغه بلاګۍ راغله، دغه ډیموکراسي چې زموږ د پارلمان یوه پخواني وکیل موکراسي بلله.

په ډیموکراسي کې هم اصطلاح اختراع شوه، د ترورېزم او القاعدې اصطلاح. افغانان په دغه اصطلاح سم نه پوهېدل، خو له ځان سره یې په کندهار، باګرام، خوست او غزني کې ډېر قلمدادخېل په ترورېزم او القاعدې پورې قلمداد کړل.

د قلمداد کولو لپاره د شمال د نظار شورای سم دم پلان جوړ کړ، چې چېرته به پښتون وو، نو بیا به یې د ایساف او ناټو په لښکرو کې د ترورېزم او القاعدې په لېست کې ور اچولی وو او د قلمدادي پروژې پروپوزل به یې پرې تطبیق کړی وو.

دا کار ان تر هغه ځایه پورې وغځېد، چې د بهرنیو چارو د وزارت مربوطو سفیرانو ته وظیفه ورکړای شوه، چې په خپلو دیپلوماتیکو ماموریتونو کې دې هڅه وکړي، چې پښتانه په سلو کې سل طالبان او القاعده معرفي شي او د ترورېزم یو ګز لکۍ هم پورې وتړل شي.

بس دنیا هم لښکرې را مرش کړې او د ترورېزم پرضد جګړه د پښتنو د جونګړو، کوډلو، ږیرو او لنګوټو پرضد په جګړه بدله شوه او دغه جګړه د نفرتونو، کرکو او ړندو عقدو په پړسېدلو سره نوره هم اوږده شوه او قلمداد فرهنګ دوام او قوام وموند.

د دغه قلمداد عمل لپاره کافي وه، چې څوک لونګۍ ولري، ږیره ولري، په پښتو خبرې وکړي او باید چې همدغه ږیرې لنګوټې د ترورېزم او القاعدې انکار نه منونکي شواهد شي.

اوس اورم، چې د قلمداد نوې پروژه شروع کېږي. د دغې پروژې سر فلمي یو ځل ښکاره شوه، خو فلم لا سم نه دی نندارې ته وړاندې شوی.

د دغه فلم سناریو بیا هم د استنجا او حلوا په مرسته لیکل شوې ده. په دغه فلم کې داسې صحنې شوټېنګ کېږي، چې چاته دې د مرګ اراده وشوه یوه اسانه فارمولا، د ملا کاکا پاکه استنجا له یوه غاب حلواه سره یو ځای کړه او بیا یې وهڅوه، چې چیغه کړي: دغه د خدای او رسول دښمن قران شریف وسوځاوه.

بس خلک سوځېدلي قران شریف ته نه ګوري، سړی تر څټ رانیسي او د سنګسار لپاره داوطلبانه راټولېږي، سړی وژني او بیا یې په اور سوځي. د دغه قلمداد په برکت هر ډول مخالف او موافق له منځه تللای شي.

بس د پورته ذکر شوې ساده فارمولا څخه استفاده ضروري ده.

پرون په ښار کې د خلکو په خوله دا کلیمې ګرځېدې، خپل دښمنان قلمداد کړئ، چې دښمني یې درپاتې نشي او قاتلان یې له پېژندلو څخه ووځي.

عجیبه تماشا خو داده چې اوس د قران سوزۍ د قلمداد فلم تر شا جاهل او عالم دواړه ولاړ دي. د وزیر اکبر خان ملا چې له الازهر پوهنتون څخه دکتورا لري او د ښار کوڅه ډب قاتلان ټول د قران د جعلي مدافعانو په صف کې ولاړ دي.

قران شریف مظلوم دی سوځول کېږي، سوځونه یې داده چې قاتلان د قلمداد کتابچه ترې جوړوي.

قلمداد مظلوم دی، بس د ملا په یوه ناره وژل کېږي، مخالفت یې کفر دی، ځکه د صابون کونک له الزام او نور سره نښلي او پیوند ورکول کېږي.

بس افغانستان د قتلونو د قلمداد فلمونو د شوټېنګ سټېج دی، پر دغه سټېج باندې د استنجا او حلوا د فلمي اکټرانو قبضه ده.

613 total views, 1 views today

10 comments

  1. ښاغلی غبرګون Reply

    ښاغلی قانع صیب ته خو خبری ښی کوی مګرلکۍ یی کږی اوتراشګر دی خراب ده موضوع هم ډیره لیری درڅخه ولاړه شي نه پوهیږم چي ته اوس په دی لیکنه کی دفرخندي مدافع وکیل یی اوکه دوزیراکبرخان دامام صیب دښمن اودی لیکنه کی دي دټولو سیاسی واکمنانو اوحکمدارانو قلمداد وښود خودنجیب ترقلمداد تیرشوي سره له دی خبري چي نجیب یو وخت دخلقی ستمګرایانوداستخباراتو او وژنو مسول اودڅرخی پله دزندان عمومی قاتل وو دهرات دڅلیرویشت زره عامه مسلمانانوافغان سرشندونکو نراوښځو قاتل وو که نه منی نودحکمتیارصیب دکتابو کڅوړی ته مراجعه وکړه نو ایاهغه کوم قلمداد نه درلود بیاهم وایم چي داروانه جګړه جهانی اوصلیبی ده پیلی یی راتلونکی دي په تاسو محترم می داسی سپکي سپوری نه ربلیږی چي سبادرڅخه پوښتنه کیږي هیڅکله حکمرانی بی زور اوزیاتی نه کیدای شی اونه راتلی تاسومحترم به دنړی تاریخ یاهیواد تاریخ اویانورمذهبی تاریخونه کتلی وي تقوا دیانت اوحکومت سره یوځای کیدای نه شي خوکه بیاهم یوځای شي نوهغه یواځی سرشندنه اوپوره تقوا غواړی خوتاسو محترم بیخی له بیخه ورته ناست یاست بیاهم درنه دنجیب صیب دقلمداد پوښتنه کوم چی هغه څه وو؟؟؟؟؟؟؟؟؟؟؟؟؟؟؟ ن

  2. بلال واثق Reply

    ښاغلی قانع پر قلم ،ګوتو او ښه ژوند مو بر کت شه ! واقعیت مو لیکلې دې.بې قسمه یې ومنه چې دغه فیسبوکیا نو جهالو مفتیانو دو نون اسیا اسلامې فیسبوک پا ڼې په شمول دا سې په عجله فتواوې ایستلې چې زه پر دې وبیریدلم چې پر ټولو کابلیانو حتې پر ټولو افغانانو دارتداد ، واجب القتل اومبا ح الدم فتوې ونه با سې.

  3. محمدربی آماج Reply

    ::::ویني قانع صیب! دغسی لیکنی کوه چی خوند او رنګ دواړه ولری! بس هغه د طالب سندریزه غرغړه داسي وه!
    اوس خالی سدرۍ یم نه می وس شته نه می توان بی بی««»» نه یم قوماندان بی بی

  4. میوند Reply

    بالکل همداسې ده قانع صایب، که ټولنې ملا کاکو د جومات محراب ته ور محدود نه کړ او ملایانو همداسې پړی شلولی وو نو په لکونو نور ځوانان او پیغلې به هم اور وخوري.

  5. عمر عبد الرحمان Reply

    قانع صاحب !پرژوند ، پر ګوتو ، او پر قلم مو برکت شه. دنښې منځ دې ویشتلی دی. اوس موږ بیریږو چې دشهیدې بې بې فرخندې سره موږ قلمداد نه کړې. دوعاګانې راته کوه ځکه چې په ګران وطن کښې درې نیمې لسیزې وطنوالو بل څه نه دې زده کړې صرف دکفر جعلې تا پې ور سره دې چې زړه یې وغوا ړې پر هغه دکفر مهر لګوې. وایو به چې الله فناه را کړې دهرې فتنې څخه توبه. په دغه فیسبوک کې دغه جاهلانو فیسبوکې مفتیانو. اوس بې شرفان غلې سوه او لکیا نې یې په ک…….. ننه ایستلې.ستا څه خیال دی چې دغه دفرخندې دمسلې پر ډول به څو نورې دغسې ناحقی شوې وې دنارینه و او ښځینه و سره خوبیا هم دغه درنیو او میډیا ګټه وه. که دغه زور نه وای بیا به نو بل حالت وای. بیا هم قانع ستا سې څخه مننه چې دټولنې وهر ویرس ته مو پام دی.

  6. م.ا. جاويد Reply

    هغه د توپکيانو غزل پر دا ډول وه:

    اوس خالي صدرۍ يم نه مي وس سته نه مي توان بي بي
    نه يم قومندان بي بي
    هغه وخت دي تېر سو چي خوړل به دي چرګان بي بي
    نه يم قومندان بي بي

  7. shakir Reply

    قانع صاحب بیا د نښی منځ ویشتی دی.

  8. ع. شريف زاد Reply

    قلم داد ، اسنجا او نور دادونه لا پرځاى پريږده چې داډول نا ښايست عمل افاط او تفريط هم نه مني د رحمان بابا خبره چې : تو نعلت دې په داهسي منصفي شي چې له حقه باطل ته ګذر کا حيف ددې مظلوم ولس او په تيره بيا د فرخندې خور!

  9. FAIZI Reply

    یاره قانع ګله دوا دي سه الله دي اوږد عمر او خوشاله ژوند درکړي حقیقتونه او واقیعتونه دي راسپړلې دي

Leave a Reply to shakir Cancel reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2