Categories

اعلان

Loading…

د افغانستان د فوټبال له ملي لوبډلې ۷ تکړه لوبغاړي ووتل

تاند- د افغانستان د فوټبال د ملي ټیم ۷ اصلي او تر ټولو تکړه لوبغاړو اعلان وکړ چې د اعتراض په دود نور په ملي لوبډله کې نه لوبېږي.

د ملي ټیم کیپتان اسلام الدین امیري، رفېح بارکزي، حشمت بارکزي، د بلال ارزو، امرالدین شریفی او فرزاد عطايي هغه اووه لوبغاړي دي چې نور په ملي ټیم کې فوټبال نه کوي.

دوی په ظاهره ویلي چې د ځینو مشکلاتو په وجه په ملي ټیم کې نه لوبېږي. د افغانستان د ملي لوبډلې دغو ۷ لوبغاړو دا پرېکړه له قرغیزستان سره له مسابقې وروسته وکړه.

د ملي ټیم کوچ یا روزونکي یوسف کارګر وویل چې د دغو لوبغاړو د فیصلې په علت نه پوهېږي خو تر دې پخوا هم د ټیم د غړیو ترمنځ یو لړ اختلافات ول او ځینو لوبغاړو د بهرني روزونکي خبرو ته غوږ نه نیوه.

کارګر دا هم وویل چې د ۲۰۱۶ د نړیوال جام د غوراوي د مقدماتي مسابقو لپاره د ملي ټیم په نظم او اداره کې کمزورتیاوې وې او کېدای شی همدا مسله د اوو تکړه لوبغاړو د استعفا سبب شوې وي.

کارګر دا اووه تنه د افغانستان د فوټبال د ملي لوبډلې کلیدي لوبغاړي وبلل، ویې ویل چې له ټیمه د هغوی وتل به ډېره منفي اغېزه ولري.

د ۲۰۱۶ د المپیک لپاره د غوراوي په مقدماتي مسابقو کې د افغانستان ټیم یوازې نیپال ته ماتې ورکړې، له سعودي عربستان سره یې لوبه مساوي کړې خو پر ایران او فلسطین یې بایللې ده.

89 total views, 1 views today

Leave a Reply

Your email address will not be published. Required fields are marked *