Categories

اعلان

Loading…

د اسوشیتید پریس پر خبریالانو حمله کوونکی پولیس په ۲۰ کاله قید محکوم شو

تاند- د افغانستان سترې محکمې هغه پولیس په شل کاله بند محکوم کړ چې یو کال پخوا یې د اسوشیتید پریس خبري اژانس عکاسه ۴۸ کلنه انجا دیدرینګاس (Anja Niedringhaus) وژلې او د دغه اژانس مشهوره خبریاله کتي ګنن ټپي کړې وه.

سترې محکمې د افغان پولیسو قومندان نقیب الله ته ټاکلې سزا پرون لویې څارنوالۍ ته اعلان کړه.

تر دې مخکې استیناف محکمې نقیب الله په اعدام محکوم کړی و خو سترې محکمې د نوموړي د اعدام حکم په عمر قید بدل کړ چې په افغانستان کې شل کاله دی.

نقیب الله د تېر میلادي کال د اپریل په څلورمه یعني څو ورځې کم یو کال پخوا د اسوشیتید پریس خبري اژانس پر خبریالانو، چې د افغانستان د ولسمشرۍ د انتخاباتو د لومړي پړاو د راپور برابرولو لپاره خوست ته تللي ول، ډزې وکړې.

د دغه اژانس عکاس ځای پر ځای ووژل شو خو خبریاله کتي ګنن چې ۶ مرمۍ پرې لګېدلې وې، ټپي شوه.

کتي ګنن په افغانستان او پاکستان کې څو لسیزې تېرې کړي دي.

د دې روغتیايي وضعیت مخ په ښه کېدو ده او اوس په خپل هیواد کاناډا کې اوسي.

د اسوشیتید پریس خبري اژانس اجرايي ایډیترې کتلین کارول د افغانستان د سترې محکمې د پرېکړې له اعلانېدو وروسته وویل:«موږ خوشاله یوو چې په افغانستان کې قضايي سیستم د حمله کوونکې پر خلاف دوسیه بشپړه کړه او موږ باوري یوو چې سزا به عملي شي.»

ویل شوي چې د پولیسو محکوم شوی قومندان نجیب الله ۲۶ کلن دی او پر قتل یې اعتراف کړی دی.

ده د خپلې محاکمې په لړ کې ونه ویل چې ولي یې دا دوې ښځینه خبریالانې وویشتې خو یو وخت یې ویلي و چې عصاب یې ځیني وخت خرابېږي.

20 total views, 1 views today

1 comment

  1. Gul Reply

    دتاند ادارى ته
    ستاسو په دخبر كى نمونه او وظيف سره مطابقت نه لرى تصحيح كرى

Leave a Reply

Your email address will not be published. Required fields are marked *