Categories

اعلان

Loading…

محور ورځپاڼه: افغان حکومت د سولې لپاره ځانګړی مېکانېزم رامنځته کوي

له تور لېست څخه د یو شمېر افغان طالبانو د نومونو اېستل، پر پاکستان فشار او د سولې په خبرو کې د القاعدې، داعش او افغان طالبانو ترمنځ توپیر هغه مسایل وو، چې ولسمشر غني د سولې په اړه پرې له خپل امریکایي سیال بارک اوباما سره بحث درلود.

امریکا ته د ولسمشر غني په سفر سره درې کلن ځنډېدلې دیپلوماتیکي اړیکي له سره ورغول شوې او دغه هېواد له افغان پوځ سره په مرستې سربېره د اصلاحاتو لپاره  ۸۰۰ میلیونه ډالرو ژمنه کړې.

((ولسمشر غني باید سر له ننه د خپل بهرني او کورني سیاست اساسي خطوط روښانه کړي. په دویم ګام کې دې په نظام کې اصلاحاتو ته تګلاره جوړه او عملي شي. که امریکا پدې اړه تضمین ترلاسه نه کړي مرستې ځنډېدلی شي.)) محمد اصف بکتاش

معلومات ښیي، چې ولسمشر غني له خپل امریکایي سیال بارک اوباما سره د سولې په اړه په لاندې موضوعاتو بحثونه کړي دي:

ـ که افغان لوری له طالبانو سره توافق ته رسېږي، نو د ملګرو ملتونو امنیت شورا له تور لېست څخه به د یو شمېر افغان طالبانو نومونه اېستل کېږي.

ـ د سولې په پروسه کې باید د افغان طالبانو، داعش او القاعدې ترمنځ توپیر وشي.

ـ د افغان سولې په اړه پر پاکستان د صادقانه هلو ځلو فشار.

ولسمشر غني وویل، چې د سولې لپاره به یو ځانګړی میکانېزم جوړېږي او دا د سولې عالي شورا د اوسني میکانېزم ردېدل ښیي.

د ځانګړي میکانېزم رامنځته کول ځکه مهم بلل کېږي، چې په تخنیکي لحاظ د ډیالوګ لپاره زمینه مساعدېږي. ولسمشر غني په سوله کې یو قدم وړاندې ږدي او وایي، له یو شمېر طالبانو باید بښنه وغوښتل شي. ښایي د ولسمشر اشاره هغو طالب مشرانو ته وي، چې د طالبانو د سقوط پر مهال یې له کندهار څخه پخواني ولسمشر کرزي ته لیک واستوه او نوموړي ته یې ډاډ ورکړ، چې ستا مشري منو او په وړاندې دې له مخالفت څخه لاس اخلو، خو د ژوند د تضمین په شرط.

خو ډېر ژر د پخواني ولسمشر کرزي د ژمنو خلاف امریکا په دغو طالبانو حملې وکړې او په کورنیو یې ورته فشار راوړ، دوی له حالاتو د تېښتې لپاره له کورنیو سره کوټې ته واوښتل او له موقع په استفادې پاکستان برمته کړل او بېرته یې د نظام پرضد ودرول.

خو پدې ټوله موضوع نه حل کېږي او که داسې وشي، نو ولس به فکر وکړي، چې په تېرو دیارلسو کالو کې د نظام په وړاندې د طالب جګړه برحقه وه، ځکه باید دغه چارې ته هم یو مشخص چوکاټ رامنځته شي.

په ورته وخت کې د ولسمشر غني په خبرو یو انتقاد دا دی، چې ولسمشر پخپله وایي، زموږ مشکل له طالب سره نه، بلکې له پاکستان سره دی. دا خبرې له طالبانو د بښنې غوښتل ردوي.

د سیاسي چارو شنونکی فاروق میړنی وایي، ولسمشر غني درک کړې، چې امریکا په سیمه کې د دوامداره ماموریت لپاره افغانستان ته اړتیا لري او نوموړي یې هم په بدل کې د اوږدمهاله مرستو ژمنې ترلاسه کړې: ((سر له همدې ننه باید ولسمشر غني په نظام کې د تخنیکي او سیاسي اصلاحاتو لپاره لاس په کار شي. په یو نوي فکر او طرز د دغې پروسې پیلول د دوه اړخیزه اړیکو د دوام تضمین رامنځته کولای شي.))

د سیاسي چارو شنونکی محمد اصف بکتاش وایي، له ولسمشر کرزي سره د امریکا او ناټو د اړیکو خرابېدو لوی دلایل فساد او امنیتي تړون و، چې ولسمشر غني تړون وار له مخه لاسلیک کړی، خو د فساد د له منځه وړو لپاره هم جدي اقداماتو ته اړتیا شته: ((په نظام کې د قدرت او ثروت د مافیا شته والی جدي ننګونه ده. که ولسمشر په نظام کې اصلاحات را نه ولي، مرستې ځنډېدلی شي.))

په ورته وخت کې د نظامي چارو شنونکی فقیر محمد فقیر وایي، د ولسمشر له لوري د وسله والو ډلو جلاوالی ددې لپاره مشخص شو، چې یوه ډله هم د بل په نوم امتیازات نشي ترلاسه کولای: ((ولسمشر غني پخپلې بیانیې کې هغه څه وویل، چې امریکا یې اړتیا احساسوله.))

277 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2