Categories

اعلان

Loading…

د ننګرهار والي عطاالله لودین استعفا وکړه

تاند- د ننګرهار والي عطا الله لودین نن په یوه خبري غونډه کې د ننګرهار له ولایته خپله استعفا اعلان کړه.

عطا الله لودین، چې پخوا د سولې د عالي شورا مرستیال و، وروسته له دې چې ګل اغا شېرزي د ولسمشرۍ لپاره ځان کاندید کړ او له ولایته یې استعفا وکړه، د پخواني ولسمشر حامد کرزي له لوري د ننګرهار والي وټاکل شو.

د ولسمشرۍ د انتخاباتو په درشل کې د ننګرهار د والي په توګه د لودین ټاکنې د یو شمېر خلکو ذهنونو ته راز راز پوښتنې پیدا کړې. ځکه چې نوموړی د هغه ايتلاف غړی و چې د ډاکتر عبدالله عبدالله او عبدالهادي ارغندیوال ترمنځ د انتخاباتو لپاره وشو.

ښاغلي لودین د ننګرهار له ولایته د خپلې استعفا د دلیل په اړه وویل چې ډیره هڅه یې وکړه چې په دې ولایت کې د فساد مخنیوی، د قانون حاکمیت او په ځينو ادارو کې اصلاحات راولي خو په دې هدف کې بریالی نه شو.

ده پر مرکزي حکومت نیوکه وکړه، ویې ویل چې پوره صلاحیت یې نه و ورکړی چې اصلاحات راولي.

128 total views, 5 views today

4 comments

  1. shakir Reply

    د ننګرهار د والی استفا که په همدی دلیل یی کړی وی چی وایی(…….. د خپلې استعفا د دلیل په اړه وویل چې ډیره هڅه یې وکړه چې په دې ولایت کې د فساد مخنیوی، د قانون حاکمیت او په ځينو ادارو کې اصلاحات راولي خو په دې هدف کې بریالی نه شو.)زړورتیا یی کړی ده موږ یی دغه زړورتیا ستایو هیله ده چی په افغانستان کی همدغه د دیموکراسی اصل رواج شی هغه چارواکی چی خپله دنده په ښه توګه او یا د نورو دلایلو له مخی پر مخ نه شی وړلای دا جرت ولری چی دنده پریږدی او د نر په شان استفا ورکړی.

  2. hassan Reply

    له داسی بیکاره والیانو له موجودیت او شتون نه نشت والی به ډیر ښه وی. هغه څوک چی د خپل قام او ملت په درد ونه خوری ، باید ژر تر ژره له داسی حساسو دندو نه ګوښه شی. حیف د هغو افغانیو او معاش چی په داسی خلکو مصرفیږی. هیله ده چی ښاغلی ولسمشر داځل زمونږ دی « تل پاتی پسرلی » ولایت ته یو ځوان ، له انرژی او پلان سره درلودونکی والی د ننګر هار ولایت ته وټاکی تر څو خلکو او هیواد ته مسول او ځواب ورکوونکی وی.

  3. Gul Reply

    لودين صاحب الله داجر دركرى تا دنوى كال په لمرى ورحً يوه پخه دبره كيشودله خداى پاك دنورمامورينولپاره دا تگ لاره وگرحًوى په افغانستان كى خلك إيمان په حًوكى وركوى او تول ملت دتوپونو او راكيتونو خلو ته برابروى تاسو دير مر كار وكر

  4. Wahab Reply

    Very good,
    When you don’t had power for change of any work or termination of clerk,
    what mean the governor?
    Moulavi Sahib don the work which never we seen in Afghanistan.

Leave a Reply

Your email address will not be published. Required fields are marked *