Categories

اعلان

Loading…

د اروزګان امنیه قومندان په کابل کې ووژل شو

تاند- د کورنیو چارو وزارت وايي چې د اروزګان امنیه قومندان مطیع په کابل کې ترور شو.

د کورنیو چارو وزارت وايي چې تېره شپه یوه انتحاري، چې د ښځو جامې یې اغوستې او چادري پر سر کړې وه، د کابل په شپږمه حوزه کې د اروزګان پر امیه قومندان مطیع الله برید وکړ.

قومندان مطیع الله په اروزګان کې د طالبانو د فعالیتونو په مخنیوي کې مهم رول درلود.

د اورزګان د والي ویندوی دوست محمد نایاب رویټرز خبري اژانس ته وویل:« مطیع الله تېره شپه له خپلو ملګروسره له هوټله ووت چې انتحاري برید پرې وشو..»

تر دې مخکې په کابل امنیتی چارواکو ویلي و چی تېره شپه په دغه ښار کې په یوه پیښه کې یو تن وژل شوی خو هویت یې نه دی څرګند.

د کابل د امنیې قومندانۍ د جنایي تحقیقاتو رییس فرید افضلي وویل چې د دې کس جسد اوس هم په عدلي طب کې دی.

خو په ولسي جرګه کې د ارزګان د خلکو استازی عبیدالله بارکزي وویل چی وژل شوی کس د ارزګان امنیه قومندان مطیع الله خان دی.

ده څرګنده کړه چې د مطیع الله خان مړی یې په عدلي طب کې لیدلی دی.

په همدې حال کې وسله والو طالبانو ادعا کړې چې د اروزګان امنیه قومندان مطیع الله خان یې بیګا شپه په یوه انتحاري حمله کې وژلی دی.

تر دې مخکې روانه اوونۍ د پکتیکا د چټک غبرګون قومندان کاروان په یوه برید کې سخت ټپي شو.

108 total views, 1 views today

Leave a Reply

Your email address will not be published. Required fields are marked *