Categories

اعلان

Loading…

حکمت کرزی: ژر به د حکومت او طالبانو ترمنځ مخامخ خبرې پیل شي

تاند- د افغانستان د بهرنیو چارو سیاسي مرستیال حکمت خلیل کرزي نن وویل چې د افغانستان د حکومت او طالبانو ترمنځ مخامخ خبرې ژر پیلېږي.

ښاغلي حکمت کرزي نن /دوشنبه/ د افغانستان او چین د اړیکو په اړه په یوه غونډه کې، چې د دواړو هیوادونو چارواکو پکې ګډون کړی وو ، بې له دې چې له طالبانو سره د افغانستان د حکومت د خبرو نېټې ته اشاره وکړي، وویل چې له طالبانو سره د سولې په خبرو کې پرمختګ شوی دی.

ده وویل چې ژر به د دواړو خواوو ترمنځ مخامخ خبرې پیل شي.

د چین د اوسمهالو نړیوالو اړیکو د څېړنیز مرکز په مرسته په کابل کې «د افغانستان او چین اړیکې، لرلیدونه او فرصتونه» په نوم غونډې ته ښاغلي کرزي په خپلو څرګندونو کې د افغانستان په سوله کې د چین رول مهم وباله او له دې هیواده یې وغوښتل چې له هغه نفوذه په استفادې چې چین یې پر پاکستان لري، دا هیواد لا زیاتې همکارۍ ته اړ باسي.

خلیل کرزي له افغانستان سره د چین د ۳۰۰ ملیون ډالرو مرستې مننه وکړه، ویې ویل:«په تېرو ۱۳ کلونو کې چین له افغانستان سره په بېلابېلو بنیادي برخو کې مرستې کړي او تل په نړیواله کچه د افغانستان ملاتړی پاتې شوی دی.

په غونډه کې اعلان وشو چې په کابل کې به د چین پېژندنې او پیکینګ کې د افغانستان پېژندنې مرکزونه جوړ شي.

د افغانستان د بهرنیو چارو وزارت د ستراتیژیکو مطالعاتو مرکز رييس فرامز تمنا وویل چې د دغو مرکزونو د جوړولو هدف دا دی چې دوه ملتونه یو بل لا ښه سره وپېژني او د خپلو ملي ګټو پر اساس منطقي او عقلاني پالیسۍ غوره کړي.

د چین د اوسمهالو نړیوالو اړیکو د څېړنې مرکز د دغه هیواد په لویو پرېکړو او پالیسي جوړولو کې مهم ځای لري.

35 total views, 1 views today

Leave a Reply

Your email address will not be published. Required fields are marked *