Categories

اعلان

Loading…

افغانستان سره لوبه مه کوئ ! / نقيب احمد اتل

ډېری خلکو خپل هېواد سره يوه ناوړه لوبه پيل کړې ده. دا لوبه په هر څه کې روانه ده. هر يو تر خپلې وسې د خپل هېواد پښې وهي !

دا لوبه يو ناسور دی چې فکر، احساس، عاطفه او شعور يې وژلي دي !

دا ناروا يوازې د خپل ځان د پايښت او هوساينې لپاره کېږي؛ مګر کوم پايښت او هوساينه؟

هغه چې ته دې اباد يې او ملت دې برباد !

لوبې سره لوبه !!!

نور چې کرکټ وګټي، خوشالي کوي، په خپلو کې خواږه ويشي، تفريح او تماشې کوي،خو موږ !

موږ بيا په کرکټ کې لوبې سره لوبه کوو. د بم او غم په کور (افغانستان) کې خپله خوشالي په هوايي ناتار (ډزو) نمانځو!

په دې کې هم بېوزله ولس ته د خوږو پر ځای ترخه ورکوو (مرګ – ژوبله)

ولې مو د فکر او شعور کچه همداسې ټيټه ده ؟ هو رښتيا !

الفت صاحب ويلي کنه : (( دلته فکر له نظره همدغسې دی لويدلی)) د هر چا د فکر دايره بايد پراخه وي، فکر دې ملي وي، پوليس دې ملي وي، اردو دې ملي وي او لوبډله دې ملي وي .که دا هر څه نمايشي او فرمايشي وي؛ نو هېڅکله به د برياليتوب مخ ونه وينو.

راځئ !

افغانستان سره لوبه مه کوئ !

د افغانستان لپاره لوبه وکړئ !

63 total views, 3 views today

Leave a Reply

Your email address will not be published. Required fields are marked *