Categories

اعلان

Loading…

محور ورځپاڼه: يو وکيل د ښرنې پارک غصب کړی

د پکتیکا د ښرنې خلک ادعا کوي، چې په دغه ښار کې په ۲۰ جرېبه دولتي ځمکه کې جوړ شوی پارک د ولسي جرګې يوه غړي او والي غصب کړی او مارکېټونه یې پکې جوړ کړي دي.

دغه پارک په ۱۳۸۸ کال کې د ولایتي بیارغونې ټیم جوړ کړ، یوازې دوه کاله وروسته وکیل څو نورو زورواکو له والي سره لاره یوه کړه او پارک یې د مارکېټ ساحې په نوم وویشلو.

د ولسي جرګې غړي وايي، په ښرنه کې د زیاتې اندازې دولتي ځمکې پرسر اوس هم د ځينو قومي مشرانو له لوري دعوې روانې دې. په دغو ځمکو کې اکثره یې د دفاع وزارت جایدادونه دي، چې قضیې یې په عدلیه وزارت کې ثبت دي.
محور ته رسېدلي معلومات په ډاګه کوي، چې د پکتيکا په مرکز ښرنه کې په ۲۰ جرېبه ځمکه جوړ شوی پارک د ولسي جرګې د غړي محمود خان سلېمانخېل او پخواني والي محب الله صميم له لوري نړول شوی او په ځای يې مارکېټونه اباد شوي دي.

دا پارک په ۱۳۸۸ کال کې د پي ارټي يا ولايتي بيا رغونې ټيم له لوري د ۴۰ لکه افغانيو په ارزښت د سي اې ډي جي موسسې له لوري ګټې اخستنې ته سپارل شوی وو.

يوه سرچينه وايي، تر دوه کاله استفادې وروسته ياد پارک د ځينو ځايي زورواکو او محلي چارواکو له خوا ونړول شو او په ځای يې مارکېټونه ابادشول: ((په نيمه شپه يې د نړولو چارې پيل شوې، دا ځکه چې که د ورځې له خوا يې کار پيل شوی وای، امکان وو، چې دغه خلک د ولس له غبرګون سره مخ شوي وای. په دې کار کې د ولسي جرګې غړی محمود خان سلېمانخېل، ځايي مشران باچاخان، خالد، پخواني والي او د وخت ښاروال شريکان دي. د دې کار د مخنيوي په ټس کې ځينو چارواکو او څارنوالانو خپلې دندې هم له لاسه ورکړې، ان هغو کسانو ته پکې د مرګ ګواښ هم شوی و، چې ددې پارک د غصب مخه يې نيوله.))

يوځايي خبريال وايي، داځمکه د ښاروالۍ له لوري استملاک شوې، نو ځکه خو ورته د شخصي هغه نوم نشو ورکولای او کومو کسانو چې اوس ګونډې پرې وهلې هغوی زورور دي، د وخت والي او ښاروال يې تر شاه ولاړ وو.
د ولسي جرګې غړی محمود خان سلېمانخېل وايي، دا پارک نه بلکې پارکېنګ وو، چې د موقت لپاره جوړ شوی وو او د خالد په نوم يوه ځايي سوداګر له قوم نه واخست، ابادي يې پرې وکړه. ښاغلی سلېمانخېل وايي، زه ورسره شريک نه يم او نه هم په دې ځمکه کې کوم مارکېټ لرم، بلکې د خالد تر څنګ ځکه ودرېدم، چې هغه مې د ملګري زوی دی او په حقه وو، اسناد يې ورته جوړ کړل.

دی وايي. يوشمېر هغه کسان په دې تړاو ځکه خپل غږ پورته کوي، چې په دې ځمکه کې ونډه نده ورکړل شوې:(( يوازې دا ۲۰ جرېبه ځمکه نه ده، د دې ځمکې څېرمه ۲۰۰ جرېبه نوره ځمکه هم شته، چې هغه هم د قوم ده، دولتي نه ده.))

دی وايي، د ښرنې ښار اړوندې ډېرې ځمکې شخصي دي، خو دولت لاندې کړې، ابادۍ يې پرې کړې، چې په ډېرو يې دعوې اوس هم روانې دي: (( په دې ځمکو کې ډېره برخه د ملي دفاع وزارت دي، چې اوس هم تر دعوو لاندې دي او دوسيې يې په څارنوالۍ کې دي.))

په دې اړه د ځايي چارواکو په نظر اخستلو بريالي نشوو.

203 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2