Categories

اعلان

Loading…

د هلمند مدني ټولنو چتر/ سردار محمد همدرد

کله چې په هلمند کې فساد خپل وروستي حد ته ورسېد، د مظلوم او بې وسه ولس پر سر معاملې پيل شوې، نو د هلمند ځينې ځوانان راپوروته شول او د فاسدو چارواکو د ظلم د مخنيوي لپاره يې هلمند مدني ټولنه جوړه کړه.

هلمند مدني ټولنې چې له جوړېدو يې دوه کاله تېر دي، د هر والي، ښاروال او نورو دولتي چارواکو سره چې په فساد کې يې لاس درلود، د دوی پر وړاندې خپل غږ پورته کړی دی، د فساد د مخنيوي، او ملي مسايلو په اړه تر ۹۰ ډېرې خبرپاڼې خپرې کړي دي، چې د سيمه ييزو رسنيو ترڅنګ ملي او نړيوالو رسنيو هم خپرې کړي دي.

ددې ترڅنګ يې سلګونه غونډې جوړې کړي دي، لسګونه مطبوعاتي کنفرانسونه يې ورکړي دي چې خپل ټول اسناد د ارشيف په ډول له ځان سره لري.

هلمند مدني ټولنه په هلمند کې هغه ټولنه ده چې هره ورځ ورته له بېلابېلو ولسواليو ډلې ډلې خلک راځي او خپلې ستونزې او مشکلات چې دولت يې نه ورته حلوي له دې ټولنې سره شريکوي او دولتي چارواکي يې ددې ټولنې له فشارونو وروسته حلوي.

هلمند مدني ټولنې چې څومره کارونه کړي دي، د فساد پر وړاندې يې څومره اوازونه پورته کړي دي همدومره د دولتي چارواکو لخوا له ډول ډول ننګونو او ستونزو سره مخ شوي دي، ددې ټولنې غړي تهديد شوي دي، ګواښونه ورته شوي دي، توطيې ورته جوړې شوي دي، چې له هر ستونزې او هرې توطيې خدای ج ددې ټولنې غړيو ته نجات ورکړی دی.

هلمند مدني ټولنې د داسې زورواکو او غاصبينو مخه هم ونيوله چې په رڼا ورځ يې دولتي پارکونه پر خلکو خرڅول او رهايشې نمرې يې ورکولې.

هره ورځ هلمند مدني ټولنې ته بېچاره ولس ور روان وي، په سرو سترګو خلک ژاړي، ډېری خلک له خپلو کورونو په زوره ايستل کيږي او کورونه يې د ولايت او ښاروالۍ د ګډې معاملې لخوا نورو خلکو ته ورکول کيږي.

هلمند مدني ټولنې د دوی پر وړاندې هره ورځ خبرپاڼې خپروي، مطبوعاتي کنفرانسونه ورکوي، غونډې جوړوي، دغه ټولنه داسې کره اسناد هم په لاس کې لري چې د ځينو غاصبينو لخوا ورته ويل شوي دي چې موږ به تاسې ته ونډه درکړو خو څه مه واياست، خو دا چې هلمند مدني ټولنه له بااحساسه ځوانانو او د پوهنتون له استادانو جوړه ده دوی ولايتي ادارې سره د جوړجاړي خبرې سره له دې چې په سختو ټکو رد کړي دي، د دوی پر وړاندې يې ګڼ مطبوعاتي کنفرانسونه هم ورکړي دي، دلته بله خبره هم بايد ياده شي چې بدبختانه په هلمند کې ځينې رسنۍ د دولتي ادارې تر اغېز لاندې دي، او پر حقيقتونو سترګې پټوي.

يادونه: هلمند مدني ټولنه د ځايي دولتي چارواکو د فساد کره شواهد له ځان سره لري، د اړتيا په صورت کې يې رسنيو ته ښودلی هم شي.

اوس په هلمند کې يو شمېر خلک چې په يوه نوم او بل نوم يې مدني ټولنې جوړې کړي، غواړي د هلمند مدني ټولنې سپېڅلي مبارزين بدنام کړي، او د دوی مبارزه پيکه کړي، خو د هلمند مدني ټولنې غړي به تر ټولو لومړی په هلمند کې د هغه ټولنو مخه ونيسي او پر وړاندې به يې مبارزه وکړي چې، د خپلو شخصي موخو او په فساد کې ښکېلو دولتي چارواکو سره د معاملې په موخه فعاليتونه کوي.

په دې وروستيو کې ځينې داسې ټولنې هم د دولتي چارواکو لخوا جوړې سوې چې دوی خپل ځانته پرې برآت ورکړي او خلکو ته داسې وښيي چې ګواکي مدني ټولنې له فاسدو دولتي چارواکو سره جوړې دي او دوی په هيڅ ډول فساد کې لاس نه لري.

دغه ټولنې چې دولتي چارواکو د خپل د فساد بوی د ورکولو په موخه جوړه کړي دي، هلمند مدني ټولنه به ډېر ژر دغه فاسد چارواکي او د دوی لخوا جوړې سوې ټولنې په ګوته او ولس ته به يې په ډاګه کړي.

هلمند مدني ټولنه چې په دغه ولايت کې بنسټګره بلل کيږي ۳۸ بېلابېل نهادونو تر خپل چتر لاندې لري.

دغه ټولنه د ښه فعاليت او پاکې مبارزې لپاره د نورو ټولنو پر جوړېدو وياړي خو هغه ټولنو او تش په نوم مدني فعالانو ته به اجازه ورنکړي چې د فاسدو او زورواکو په اشاره کار کوي.

دغه ټولنه خپل غوڅ دريځ لري، د دوی دريځ دا دی چې د پاکو چارواکو ملا به تړي او د فاسدو دولتي چارواکو پر وړاندې به خپله مبارزه روانه ساتي.

277 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2