Categories

اعلان

Loading…

ولسمشر غني: موږ نه غواړو چې د سولې بیه د جګړې تر بیې لوړه وي

تاند- د افغانستان ولسمشر محمد اشرف غني نن د ملي شورا د تقنیني دورې د پیل په مراسمو کې وویل چې د تېرو دیارلس کلونو پر ټولنیزو بریاوو به د سولې په خبرو کې معامله ونه کړي.

ولسمشر غني دا خبره په داسي وخت کې وکړه چې له طالبانو سره د افغانستان د حکومت د سولې خبرې پیلېدونکې دي او اندېښنه څرګندېږي چې ممکن سولې ته د طالبانو یو شرط دا وي چې هغه مدني ازادۍ دې واخیستل شي چې په ځانګړي ډول په تېرو ۱۳ کلونو کې ښځو ته ورکړای شوي دي.

ولسمشر وویل:«موږ نه غواړو چې د سولې بیه د جګړې تر بیې لوړه وي.»

ښاغلي غني زیاته کړه:«موږ به د پخواني ولسمشر حامد کرزي تر مشرۍ لاندې د تېرو ۱۳ کلونو لاسته راوړنې په کلکه وساتو.»

ده ونه ویل چې کومې بریاوې خو غالباً یې اشاره د ښځو حقونو او د بیان ازادي ته وه.

ولسمشر د ولسي جرګې غړیو ته ډاډ ورکړ چې د کابینې پاتې غړي به ژر ورمعرفي کړي.

ولسي جرګې د وړاندیز شوو کاندید وزیرانو له ډلې د ملي امنیت د رییس په ګډون اتو تنو ته د اعتماد رایې ورکړي او پاته نور یې رد کړي دي.

ولسمشر په بهرنیو چارو وزارت کې د اصلاحاتو یادونه هم وکړه، ویې ویل هڅه به وشي چې له اصولو سره سم وړ او لایق ځوانان دې وزارت ته جذب کړي.

ښاغلي غني تېره اوونۍ د افغانستان ۱۱ سفیران او د بهرنیو چارو په لسګونو کارکوونکي چې عمرونه یې زیات ول یا یې وړتیا نه لرله، تقاعد او برطرفه کړل.

ولسمشر غني د ناامنۍ  علتونو ته په اشارې له خلکو وغوښتل چې د ملي امنیتي ځواکونو ملاتړ وکړي: «په هیواد کې د ناامني دلایل هم سیاسي بعد لري او هم جرمي. ځکه خو د دولت په داخل کې د قوې مشروع استعمال او انحصار یوه ضروري چاره ده. د امنیتي او دفاعي قوتونو او خلکو تر منځ یو دوه اړخیز قرارداد شته. خلک باید زموږ له امنیتي او دفاعي قوتونو ملاتړ وکړي او زموږ امنیتي او دفاعي قوتونه باید د خلکو ساتندوی وي. دا لازمه ده چې عسکر، پولیس، ساتنمنان، بریدملان، افسران او جنرالان، هم قانوني مصونیت او هم قانوني مسوولیت ولري،په امنیتي او دفاعي ځواکونو کې به نوي او مسلکي کدرونه داخل شي او په عین حال کې به د تقاعد او مکافات او مجازات سیستم عملي شي.»

ده د وچکالیو د مخنیوي لپاره د اوبو د زېرمو د جوړولو یادونه هم وکړه، ویې ویل:« په افغانستان کې د تمویل کوونکو د ټولو پروژو بررسي پای ته رسولې ده او د افغانستان خلکو ته ډاډ ورکوو چې د اوبو د مدیریت او تنظیم لپاره کم له کم یو میلیارد ډالره موجود دي او څو میلیارده ډالره نور د زیربنا لپاره موجود دي. په دې برخه کې به ټولې لویې او کوچینۍ پروژې د ځمکې او اوبو د مدیریت د انسجام لپاره په یوه ملي پروګرام باندې بدلې کړو. دا زموږ د هیواد د بزګرانو لپاره یو ښه زیرې او پیغام دی. دا پروګرام به مرسته راسره وکړي چې اکثره بزګران او ځمکه وال د وچکالیو او سیلابونو له خطره وژغورو. »

297 total views, 3 views today

1 comment

  1. نثار Reply

    مګر سوله چې په هره بيه وي، تر جګړې ارزانه او غوره ده.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2