Categories

اعلان

Loading…

ډاکټرعبدالله عبدالله: مدني ټولنې د هېواد په تحولاتو او پروسو کې عمده او اساسي رول ترسره کړی دی

خبرپاڼه

تاریخ: 28 دلو ۱۳۹۳
کابل افغانستان- د افغانستان د اسلامي جمهوریت اجرایوي رییس ډاکټر عبدالله عبدالله نن د افغانستان د مدني ټولنې د انستیتوت په پرانست غونډه کې ګډون وکړ.

ډاکټر عبدالله عبدالله په دې اړه جوړې شوې غونډې ته وویل، چې مدني ټولنې په تېرو دیارلسو کلونو کې یو اوږد او ستونزمن پړاو شاته پرېښی؛ خو لا هم اوږده لاره په مخکې لري.

هغه زیاته کړه، په تېرو دیارلسو کلونو کې مدنې ټولنې د هېواد په تحولاتو او د ټولو پروسو په اغېزمنتیا، د ښځو د حقونو، د بیان د ازادۍ، له فساد سره په مبارزه او نورو برخو کې د غږ پورته کولو لپاره عمده او اساسي رول ترسره کړی دی.
اجرایوي رییس وویل: اوس خلکو د مدني ټولنو رول درک کړی او په اړه یې پوهېږي او د مدني ټولنو ټولې هڅې د خلکو په استازیتوب وې، چې ښې پایلې درلودې. سره له دې چې په مدني ټولنو تورونه ولګېدل، له ستونزو سره مخ وې؛ خو هېڅکله یې د ملت له غږ پورته کولو او خلکو ته له خدمت کولو لاس وانخیست.

هغه د حکومت له لوري ډاډ ورکړ، چې له مدني ټولنې نه به په هر حالت کې هر اړخیز ملاتړ کوي او دوام به ورکوي.
جلالتماب ډاکټر عبدالله عبدالله وویل، د خلکو د غوښتنو او ارمانونو د پلي کېدو لپاره اوږد واټن په مخ کې دی، حکومت په مدني ټولنې حساب کوي او مدني ټولنه هم کولای شي چې د ملي یووالي په حکومت حساب وکړي.

اجرایوي رییس د افغانستان د مدني ټولنې د انستیتوت جوړول د مدني ټولنو د همغږۍ، پیاوړتیا او ظرفیت جوړونې لپاره اغېزمن ګام وباله او مننه یې وکړه، چې د دې انستیتوت رهبرۍ حبیبه سرابي د افغانستان د مدني ټولنې انستیتوت د مشرې په توګه ټاکلې، ځکه نوموړې د مدني ټولنو په برخه کې د فعالیت ښه مخینه لري.

ډاکټر عبدالله عبدالله ژمنه وکړه، چې په هر حالت کې به د مدني ټولنې تر شا ودرېږي او د خلکو د غوښتنو او ارمانونو د پلي کېدو لپاره به کار کوي.

د افغانستان د اسلامي جهموریت اجرایوي رییس د اغان خان له بنسټ نه د افغانستان د توسعې او بېلابېلو برخو سره له شویو مرستو مننه وکړه او یاد انستیتوت ته یې د بري هیله وکړه.

دغه راز د یاد انستیتوت مشرې او د افغانستان د اسلامي جمهموریت د اجرایوي رییس سلاکارې حبیبې سرابي وویل، چې دغه انستیتوت به وکولای شي د ظرفیت جوړونې په برخه کې اغېزمن تمام شي.

د نوموړې په وینا، چې افغانستان له ډېر وخت راهیسې د مدني ټولنو د فعالیت مخینه لري، چې مخکې دا فعالیتونه د جرګو او شوراګانو له لوري په سیمه ییز ډول ترسره کېدل او له دې وروسته به د افغانستان د مدني ټولنې انستیتوت هڅه وکړي، چې مدني ټولنې پياوړې کړي.

په افغانستان کې اغاخان بنسټ ديپلوماتیکې استازې نورجهان معاویني په خپله پرانستې وینا کې له ډاکټر عبدالله عبدالله مننه وکړه، چې تل یې له مدني ټولنې ملاتړ کړی دی.

هغې وویل، یاد انستیتوت به وکولای چې په هېواد کې د مدني ټولنو اعتبار زیاد کړي.

263 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2