Categories

اعلان

Loading…

عبدالله: دا ادعا ناسمه ده چې که وزیر وم جهادي ارزښتونه خوندي دي کنې نه دي

تاند- د افغانستان اجرايي رييس د ځینو پخوانیو جهادي مشرانو او قومندانانو د ګیلو په ځواب کې وویل چې د جهاد ارزښتونه تلپاتې دي او هیبڅ راز زیان به ونه ویني.

عبدالله عبدالله نن د کابینې په غونډه کې له افغانستانه د پخواني شوروي اتحاد د سرو لښکرو د وتلو د شپږ ویشتمې کالیزې په مناسبت د مبارکي ویلو ترڅنګ وویل:«د جهاد ارزښتونه تلپاتې دي او هیڅ غرض و مرض به یې له منځه یو نه سي. د جهاد او جهادي ارزښتونو د له منځه وړلو فکر په هیڅ ډول مطرح نه دی او دا ادعا هم ناسمه ده چې که زه وزیر وم جهاد او جهادي ارزښتونه خوندي دي او که نه وم، نه دي.»

د یکشنبې په ورځ پخواني جهادي مشر عبدالرب رسول سیاف او د انرژۍ پخواني وزیر محمد اسماعیل خان ګیلې وکړې چې ګواکي مجاهدین څنګ ته پرېښودل شوي دي او د بهرنۍ پالیسي په برخه کې د پرېکړو په باب ورسره مشوره نه کېږي.

اسماعیل خان په وروستیو کې بیا بیا وايي چې مجاهدین له حکومته ایستل شوي دي.

خو اجراییه ريیس ډاکتر عبدالله وویل چې د ملي وحدت حکومت د ټولو افغانانو حکومت دی او د افغانستان خلکو ته د یووالي او پیوستون پیغام لري.

ده تاکید وکاوه چې د ملي یووالي حکومت پر ټولو ملي ارزښتونو کلک ولاړ دی.

اجرايي ريیس د کابینې په غونډه کې د ننګرهار د ولایتي شورا د غړې، لیکوالې او ژورنالیستې انګېزې شینوارې په مړینه خواشیني څرګنده کړه.

انګېزه شینوارې، چې د تېرې اوونۍ د چهارشنبې په ورځ په یوه تروریستي برید کې سخته ژوبله شوې، تېره شپه ساه پرې کړه.

8 total views, 1 views today

2 comments

  1. MHA Reply

    Sayaf and other jihadists like him are not leaving the country and its people to breath. They are only thinking for them selves. They should invest their money, they collected during the Jihad era and after that, and create jobs for the unemployed youths.

  2. یوسف Reply

    ګوره صیاف خانه او تورن اسمعیل خانه
    دا اوس هغه وخت نه دی چی خلک په خپلو ناروا او بی عقلو او بی ځایه خبرو وغلوی خلک اوس په خپل ښه او بد ښه پوهیږی، رشتیا هم که وزیر وی نو بیا جهادی ارزښتونه خوندی دی او که نه وی نه دی دا ستاسو هغه خیالونه دی چی ددی قدرت او چوکی لپآره وهی جهاد د ټلو افغانستان د خلکو ویاړ دی هغه یوازی تاسو پوری مربوط کیدای نشی هیله ده چی نور په دی ډول ددی بی وزله ولس له ځورونی او کړونی لاس واخلی

Leave a Reply

Your email address will not be published. Required fields are marked *