Categories

اعلان

Loading…

اجمل/ نجیب منلی

سهار وختي د ولسمشرۍ له ماڼۍ زنګ راغی. اجمل خټک په حق رسېدلی و. د افغانستان د حکومت په استازیتوب یو لوړپوړی پلاوی باید د جنازې په مراسمو کې د ګډون له پاره اکوړي ته تللی وای. زه یې هم په کې نیولی وم. په کابل کې واوره اورېده. هوايي ډګر کې په «وي، آی، پي» خونه کې د الوتلو اجازې ته منتظر وو. هلته جنازه زموږ په خاطر ځنډېدلې وه. کله چې په کابل کې حالات یوڅه سم شول، خبر راغی چې د پېښور په هوایي ډګر کې څه ستونزه پېښه شوې ده، زموږ الوتکه هلته نه شي کښېناستای. بیا هم انتظار. بالاخره پرېکړه وشوه چې د جنازې مراسم به زموږ له ګډون پرته تر سره شي او موږ به د اسلام آباد له لارې ورشو.

تېر ماسپښین د اسلام آباد په هوایي ډګر کې کښېوتو. شړکنده باران اورېده. تر څو چې اکوړي ته د تلو له پاره د موټرو کاروان جوړېده څو ساعته نور هم تېر شول. ماخوستن اذانونه راباندې په لار کې وشول.

د خوشال د فرهنګي مرکز په تالار کې د اجمل خټک کورنۍ او د چم ګاونډ مخور راټول شوي وو. موږ ورته مخامخ کښېناستو. لاسونه پورته شول، دعا وشوه. د افغانستان د پلاوي په مشرانو کې هیچا داسې خبره و نه کړه چې د اجمل د شخصیت حق یې ادا کړی وای. زه څنګ ته ناست وم. څو واره مې غلی شان لاس وښوراوه خو د پلاوي د مشر را ته پام نه شو. چې مې په زړه وو، په زړه پاتې شول.

پاڅېدو. خدای پاماني مو وکړه. بېرته اسلام آباد ته ولاړو، په ماریټ هوټل کې یې را ته ځای نیولی و.

د هوټل له خونې مې له بي بي سي، امریکا غږ، المان غږ، پژواک خبري اژانس او ګڼو نورو رسنیو سره مرکې وکړې. د افغانستان د حکومت دریځ مې ډېروستایه خو د خوشال د فرهنګي مرکز بې روحه فضا مې لا اوس هم د زړه په یو کونج کې د ساړه باد او مړ سکوت ازغي چوخوي.

364 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2