Categories

اعلان

Loading…

ماین خښوونکی د خپل ماین ښکار شو 

په میدان وردګو ولایت کې یو ماین خښوونکی د خپل ماین په چاودنه کې وژل شوی او د بېلابېلو عملیاتو په ترڅ کې امنیتي ځواکونو ګڼ شمېر وسلې او مهمات ترلاسه کړي دي.

د نرخ ولسوالۍ په اول خیلو سیمه کې تېره شپه یو ماین خښوونکی،چې غوښتل یې د سړک تر غاړې ماین ځای پر ځای کړی،د خپل ماین د چاودنې له امله وژل شوی،خو د نوموړی دوه نور ملګرې له سیمې څخه په تېښته بریالي شوي دي .

په همدې حال کې د نرخ ولسوالۍ په شاه کابل سیمه کې د عملیاتو پر مهال،چې د مخالفینو د یوه سرګروپ ملا بریالي په پټنځای ترسره شول،په ترڅ کې ۵۵ فیره د هاوان مرمۍ او دوه بوشکې چاودیدونکې توکې لاسته ورغلي خو په تور یې څوک ندی نیول شوی .

همدا راز د چک ولسوالۍ په بمبایي او علېشه سیمو کې امنیتي ځواکونو عملیات ترسره کړي،چې په ترڅ کې د مخالفینو یو موټرسایکل، یوه بکسه د پیکا مرمۍ،یو راکټ انداز،چاودیدونکې توکې،۴ فېره د هاوان مرمۍ او بوشکه یې،چسپکي او د وسایطو ضد ماینونه د امنیتي ځواکونو لاسته ورغلي دي .

د سیداباد ولسوالۍ په اب نري او حیدرخیلو سیمه کې هم امنیتي ځواکونو عملیات ترسره کړي،چې په ترڅ کې ۲ میله کلاشینکوف،یو میل ۱۱ ډزه ټوپک،یو میل راکټ انداز،د هاوان او راکټ انداز مرمۍ،مخابره،چاودیدونکې توکې او یو موټر سایکل د امنیتي ځواکونو لاسته ورغلي دي .

په ترسره شویو عملیاتو کې،چې د ګډو کورنیو ځواکونو له لورې ترسره شوي،امنیتي ځواکونو او ولسي وګړو ته کوم زیان ندی اوښتی .

د میدان وردګو ولایت مطبوعاتي دفتر

59 total views, 1 views today

Leave a Reply

Your email address will not be published. Required fields are marked *