Categories

اعلان

Loading…

څنګه ښه ژوند وکړو؟\ ګل محمد بلوڅ

د بدلون اوونیزې دوهمه ګڼه –

موږ ټول ژوند کوو، خورو او څښو، ویدیږو او پورته کیږو، له نورو سره ناسته پاسته کوو، خو آیا ښه ژوند کوو؟ او آیا په حقیقت کې د ژوند په معنا پوهیږو؟ ځینې وخت د ژوند څخه غافل یو او یوازي هره ورځ تکراري کارونه کوو؟

که غواړئ چې وجدان مو راضي او د ښه ژوند څخه خوند واخلئ، نو دغه شل جملې ولولئ او په خپل ژوند کې يې عملې کړئ:

۱- د نن په اړه فکر وکړئ، پرون ولاړ او یوازي يي تجربه در سره پاته ده، سبا تر اوسه نه دی راغلی او د سبا په اړه تشویش درلودل بې معنا دی.

۲- هميشه د ژوند مشکلاتو ته غيږ پرانیزئ او د مشکلاتو له پیدا کيدو سره تيښته مه کوئ، مبارزه ورسره وکړئ.

۳- خپل هر بریالیتوب له ځان سره یاداښت کړئ او ور باندي خپله اراده قوي کړئ.

۴- له ټولو انسانانو سره مینه وکړئ او مینه کول دلیل نه غواړي.

۵- له ځانه سره مینه وکړئ او د ځان درناوي او د وجدان خوشاله کولو لپاره کوښښ وکړئ.

۶- د چاپيريال خلک مو چې هر ډول وي و یې منئ.

۷- مهربان اوسئ او له نورو سره مرسته وکړئ.

۸- ځان له چا سره مه پرتله کوئ او له چا سره رقابت هم مه کوئ، ځکه رقابت کرکه زېږوي.

۹- ټولو ته پرته له توپیره درناوی ولرئ او ټولنیز موقف يې په نظر که مه نسئ.

۱۰- د نورو په منفي ټکو پسي مه کرځئ، ځکه بیا د کرکې سبب ګرځي او له کرکې سره خوشحالي کمیږي.

۱۱- ځان ته هدف وټاکئ او هدف ته د رسيدو لپاره پلان جوړ کړئ او د هدف په درلودلو سره د ښه ژوند خاوند کیدای سئ.

۱۲- په ټولنیزو کارونو کې هميشه باور ولرئ او خیانت مه کوئ.

۱۳- خپل ضعیف ټکي پیدا کړئ او د لیری کولو لپاره يې هڅې وکړئ.

۱۴- هميشه اعتدال خپل کړئ او منځلاری اووسئ.

۱۵- له نورو څخه زیاتې خبرې واورئ او مشوره ور څخه واخلئ، خو په آخر کې يې خبرې او مشوره تحلیل کړئ او د تحلیل نتیجه عملي کړئ.

۱۶- عادت کړئ، چې مثبت ګرا اوسئ، مثبت فکر ولرئ اوهميشه مو غوښتنه هم باید مثبته وي.

۱۷- په تصمیم نیولو کې فکر وکړئ، په عملي کولو کې يې ژرعمل وکړئ او ځیني وخت په لویو تصمیم نیولو کي پر خپلو همفکرانو باندي تکیه وکړئ.

۱۸- په اونۍ کې یو یا دوه ځلي په شنو سیمو کې تفریح وکړئ.

۱۹- له ځان او نورو سره صادق اوسئ او خپل دښمنان هميشه وبخښئ.

۲۰- هر وخت زده کړه وکړئ او له زده کړې څخه لاس مه اخلئ، ځکه علم هیڅکله تاوان نه کوي.

105 total views, 1 views today

Leave a Reply

Your email address will not be published. Required fields are marked *