Categories

اعلان

Loading…

یوه افغان عسکر د کابل په هوايي ډګر کئ ۳ امریکايي پوځیان ووژل

تاند- یوه افغان عسکر د کابل په هوايي ډګر کې د پنجشنبې په ورځ ناوخته پر امریکايي پوځیانو ‌ډزې وکړې چې په نتیجه کې یې ۳ امریکايي پوځیان ووژل شول او څلورم ټپي شو.

د افغانستان د هوايي ځواک یوه چارواکي وویل چې دا پېښه د کابل د هوايي ډګر په پوځي برخه کې وشوه.

دغه افغان چارواکي رویټرز خبري اژانس ته د نوم د نه ښودلو په شرط وویل:«تراوسه پوري څرګنده نه ده چې دغه افغان عسکر ولې پر امریکايي روزونکو ډزې وکړې. کوم څوک هلته نه ول چې علت یې راته ووايي.»

د پېښې په اړوه څېړنې پیل شوي دي.

په افغانستان کې مېشتو نړیوالو ځواکونو تایید کړه چې دا پېښه پرون /پنجشنبه/ ماښام شوې ده.

دا په روان ۲۰۱۵ میلادي کال کې د افغان ځواکونو له لوري پر بهرنیانو لومړنۍ حمله ده.

په ۲۰۱۳ میلادي کال د افغان امنیتي ځواکونو له منځه د نفوذي عناصرو له لوري پر نړیوالو ځواکونو تر ټولو زیاتې حملې وشوې خو په ۲۰۱۴ کې دا ډول بریدونه تر ډېره کنټرول شول.

67 total views, 1 views today

Leave a Reply

Your email address will not be published. Required fields are marked *