Categories

اعلان

Loading…

نامعلومو وسله والو دوه ملکي وګړي شهیدان کړي

۱۳۹۳/۱۱/۹

د میدان وردګو ولایت په سیداباد ولسوالۍ کې تېره شپه نا معلومو وسله والو کسانو دوه ملکي وګړي په ډزو سره په شهادت رسولي دي .

دعبدالهادي او حامد په نومونو دغه دوه تنه ملکي وګړي،چې کومه دولتي دنده یې نه لرله او د سیمې د خلکو د معلوماتو له مخې کومه شخصي دښمني یې هم نه درلوده، نا معلومو وسله والو کسانو تېره شپه د یادې ولسوالۍ په اب دره سیمه کې په ډزو سره په شهادت رسولي دي .

یاد کسان د سیداباد ولسوالۍ د سالارو او امان خیلو د سیمې اصلي اوسیدونکي وو،چې وسله والو له خبلو سیمو څخه تر بیولو وروسته د اب دره په سیمه کې په شهادت رسولي دي .

تر دې دمه د یادې پېښې په تړوا څوک ندي نیول شوي خو په سیمه کې د امنیتي ځواکونو څېړنې دوام لري،ترڅو د پېښې عاملین د قانون منګولو ته وسپاري.

د میدان وردګو سرپرست والي ښاغلي عبدالمجید خوږیاڼي پر یاده پېښه ژوره خواشیني څرګنده کړې او شهیدانو ته یې د جنت الفردوس او کورنۍ ته یې د جمیل صبر غوښتنه کړې .

د میدان وردګو ولایت مطبوعاتي دفتر

5 total views, 1 views today

Leave a Reply

Your email address will not be published. Required fields are marked *