Categories

اعلان

Loading…

د بيان ازادي!!! د چا لپاره؟؟؟ / سپین روان

د فرانسې په ډيموکراټ جمهوريت کې د ( چارلي ابدو) په نوم يوې طنزيه اونيزې د اسلام ستر پيغمبر(ص) کارتونونه خپاره کړل، خو په ځواب کې يې درو تنو مسلمانو ځوانانو د دې کړنې په بدل کې د دې مجلې تقريباً لس تنه کارکونکي ووژل.

د دې لس تنو په وير او د بيان ازادۍ ته د درناوي په موخه په فرانسه کې د نړۍ تر ټولو ستر لاريون وشو؛ د خبري سرچينو په حواله يوازې په پاريس کې د نړۍ له مهمو غربي مشرانو سره يو ځاى تقريباً يو نيم ميليون کسانو په دې لاريون کې ګډون وکړ؛ له دې سره خوا کې د فرانسې دولت د هغو دريو کسانو پر ضد چې د يادې مجلې په دفتر يې بريد کړى و، بيړني، څلوريشت ساعته، کور په کور عمليات پيل کړل او تقريباً اته څلوېښت ساعته وروسته يې دوه تنه د عملياتو په ترڅ کې ووژل.

د چارلي ابدو اونيزې په دفتر شوى بريد که له يوې خوا وغندل شو له بلې خوا داسې خلک هم ول چې دا درې کسان يې په حقه بلل او استدلال يې کولو چې دوى مشروع دفاع کړې ده، ځکه اونيزې د اسلام د ستر لارښود( ص) سپکاوى کړى و، په دفاع کې دا پېښه رامنځته شوه.

د هغو کسانو له ډلې چې د اونيزې په دفتر بريد يې روا کار بللو يو هم فرانسه مېشته مسلمان و چې د بيان د ازادۍ له حق څخه په استفادې يې په خپله فيسبوک پاڼه د دې بريد ملاتړ وکړ او ياد شوى بريد يې دفاع وبللو، خو په هماغه شېبه د پوښتنو ګروېګنو په موخه د فرانسوي پوليسو له خوا ونيول شو.

د ( چارلي ابدو) اونيزې د بيان له ازادۍ په استفادې يو ځل بيا خپل پخوانى شوم عمل تکرار کړ او هماغه پخوانۍ اونيزه يې په دويم وار بيا په ډېر لوړ تراژ چاپ او خپره کړه، خو د فرانسې دولت او هغو نړيوالو چې د ( چارلي ابدو) په دفتر بريد يې د يو جرم په توګه غندلى و هېڅ کوم غبرګون ښکاره نه کړ، او نه يې خپلو پوليسو ته سپارښتنه و کړه چې د دې کړنې مخه دې ونيول شي.

پوښتنه په دې ځاى کې ده چې د فرانسې په شان يوه هېواد کې چې ځان د بيان د ازادۍ، د نړيوال عدالت د تامين او ډيموکراتيکو اصولو سر لارى بولي ولې دوه مخى سياست کوي؟

که مسلمانو ځوانانو جرم کړى، نو د ( چارلي ابدو) اونيزې هم جرم کړى، ځکه پوهاند ډاکټر حفيظ الله دانش په خپل اثر ( د جزا عمومي حقوقو) کې وايي:” علماء په دې عقيده دي چې د انسانانو لپاره د پنځه ډوله ارزښتونو موجوديت او هغوى حفاظت او حمايت ډېر ضروري دى، دغه پنځه ارزښتونه عبارت دي: لومړى- د دين او عقيدې ارزښت او مصلحت، دويم- د نفس او ځان ارزښت او مصلحت، دريم- د عقل ارزښت او مصلحت، څلورم- د عفت او عزت ارزښت او مصلحت، پنځم- د اموالو ارزښت او مصلحت.

بناً د دې هر مصلحت او ارزښت په مقابل کې تېرى او تجاوز د علماء په نظر جرم بلل کېږي… ټول هغه اعمال او حرکات چې د انسانانو دين او عقيدې ته ضرر رسوي، د دين او عقېدې پر ضد جرايم بلل کېږي، لکه: د ديني مقدساتو توهين، د نبوت دعوه، د قران عظيم الشان د تحريفولو هلې ځلې، د جعلي احاديثو جوړل او يا داسې نور اعمال او حرکات چې د دين او عقيدې پر ضد وي.”(*)

همدې اصل ته په کتو ايا د ( چارلي ابدو) اونيز جرم نه دى کړئ؟

که جرم يې کړى وي بيا چا ورته سزا ولې ور نه کړه؟

دا يو منلى شوى اصل دى چې هر انسان د مشروع دفاع حق لري، کله چې يو څوک د چا په حريم تېرى کوي او دولت يې پوښتنه نه کوي، ايا هغه کس دا حق نه لري چې له خپل حريم څخه دفاع وکړي؟

که چېرې دې درې کسانو دفاع کړي وي خو دفاع يې نسبت جرم ته درنه وي، دولت دې ورته سزا ورکړي؛ خو هغه کس چې دفاع يې روا بللې او د بيان د ازادۍ له حق څخه په استفادې يې خپل افکار څرګند کړي وي ولې مجرم بلل کېږي، په داسې حال کې چې ميليونونو کسانو د ( چارلي ابدو) په ملاتړ لاريون وکړ او خپل خواخوږي ښکاره کړه خو هغه مجرمان څه چې اتلان وبلل شول او له بلې خوا د ( چارلي ابدو) اونيزې په دويم ځلي چاپ چې تقريباً د يو نيم مليارد مسلمانونو عقيدې ته يې په دويم ځل بيا سپکاوى وکړ څوک ورته ترخه خبره هم نه کوي.

د حيرانۍ ځاى دلته دى چې په شعار کې تل د انسانانو تر منځ د مساوات او برابري شعارونه ورکول کېږي او د ترهګرۍ پر ضد مبارزه نړيواله بلل کېږي خو په عمل کې بيا دا اصول په دوربين کې هم نه ښکاري.

دا شعارونه تر هغې د حقيقت تر پولې نه رسيږي ترڅو پورې چې اغېز يې د ټولو لپاره مساوي شوى نه وي.

ترهګري کومه معجزه او د محرومو قومونو ميراث نه دى، بلکې د ټولنې محصول دى او حل يې په همدې ټولنه کې امکان لري، خو د جګړې له لارې نه، د شعار او عمل ترمنځ د يووالي له لارې.

که چېرې نړيوال عدالت تامين شي، هر انسان، انسان وبلل شي، هر کس پرته له دې چې دا څوک دى انسان او انساني ارزښتونو ته د بې احترامۍ په وجه مجازات شي، او د بيان ازادي د ټولو لپاره يو ډول تعريف شي، په هماغه ورځ به نړۍ د امن ځاله شي، پرته له دې د ترهګړۍ سره مبارزه د بادونو ګز ( کچ) کول دي. سپین روان نورزی

* – ډاکټر پوهاند دانش، حفيظ الله، د عمومي جزا حقوق، دويم ټوک، مستقبل خپرندويه ټولنه، دويم چاپ، ١٣٨٨، کابل، ١٩ مخ

226 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2