Categories

اعلان

Loading…

په کابل ښار کې چاودنې ۵ تنو ته مرګ ژوبله واړوله

تاند- د کابل ښار په اوومه امنیتي حوزه کې نن سهار چاودنې څو تنو ته مرګ ژوبله واړوله.

د لومړنیو راپورونو له مخې چاودنه د سهار په اوو بجو د نوي سړک په سیمه کې وشوه.

د کابل پولیسو پېښه تایید کړه، ویې ویل چې دا چاودنه د مقناطیسي بم په نتیجه کې وشوه چې په یوه شخصي کرولا موټر پسې نصب شوی و.

د کابل د پولیسو ویندوی حشمت ستانکزي وویل چې په دې پېښه کې دوه ملکیان وژل شوي او ۳ نور ژوبل دي.

د ستانکزي په وینا په ټپیانو کې یوه ښځه هم شامله ده.

په کابل کې د نوي حکومت له واک ته رسېدو وروسته پر له پسې چاودنې کېدې خو د پېښور له حملې وروسته په افغان پلازمېنه کې د چاودنې لړۍ ودرېده.

د نننۍ چاودنې اصلي انګېزه تراوسه پوري څرګنده نه ده. او نه طالبانو تراوسه پوري په دې باب څه ویلي دي.

74 total views, 2 views today

Leave a Reply

Your email address will not be published. Required fields are marked *