Categories

اعلان

Loading…

د ایمل پسرلي د لنډو کیسو نوې ټولګه « لار ورکی» چاپ شوه

د کیسه لیکوال او ژورنالیست ایمل پسرلي د لنډو کیسو شپږمه ټولګه لار ورکی د افغانستان د پکتیا ولایت په مرکز ګردېز کې د علمي خپرندویه ټولنې له خوا خپره شوه.

د ۲۴ لنډو کیسو او د استاد نجیب منلي په یوه سریزه چاپ شوی دغه کتاب د افغانستان د پکتیا ولايت په مرکز ګردېز کې علمي خپرندویې ټولنې چاپ کړی دی.

دا د ایمل پسرلي د لنډو کیسو شپږمه ټولګه ده.

تر اوسه د ښاغلي لیکوال ټول ټال ۱۰۰ لنډې کیسې د کتابونو په بڼه چاپ شوي دي.

تېر کال ( ۲۰۱۴)  په کابل کې د اکسوس کتابپلورنځي د ایمل پسرلي د لنډو کیسو پنځمه ټولګه « یوازي شوي» چاپ کړې وه.

تر هغه وړاندې څلورمه لار، یو مزل دوه نړۍ، د څارنوال  هانري قضيې او نورې کیسې او شګې ، لمر او سمندر د ایمل پسرلي د لنډو کیسو څلور نورې ټولګې وې.

د دوی دوه نالونه، بې ځالې مرغه او لټون هم په تېرو کلونو کې چاپ شوي دي.

ډالري معاش د ایمل پسرلي د ډرامو یوازینۍ ټولګه ده.

د یادونې وړ ده چې په پکتیا کې علمي خپرندویه ټولنه په دې وروستیو کې ګڼ نور کتابونه هم چاپ کړي دي.

له هغې ډلې د ومان نیازي د شعرونو ټولګه د سکرو بخۍ او د اجمل پسرلي د لنډو کیسو ټولګه نور خلک هم شامل دي چې له لار ورکې سره په یوه وخت له چاپه راوتلي دي.

74 total views, 2 views today

Leave a Reply

Your email address will not be published. Required fields are marked *