Categories

اعلان

Loading…

د پیرمحمد کاکړ په عالي لیسه کې د اداري او تدریسي ودانۍ پرانیستل شوه

د سرحدونو او قبایلو چارو وزارت اړوند د پیرمحمد کاکړ په عالي لیسه کې د اداري او تدریسي ودانۍ پرانیستل شوه.

یاده اداري او تدریسي ودانۍ نن سه شنبه د ۱۳۹۳ لمریز کال د مرغومي میاشتې(۹)نېټه د سرحدونو او قبایلو چارو وزارت سرپرست او مالي او اداري معین ډاکتر سید احمد حقبین،مسلکي معین عبدالمالک صدیقي، د جرګو او قبایلوچارو معین محمد یعقوب احمدزي،د وزارت د ریسانو او د لیسې د اداري پلاوي په ګډون د یو لړ مراسمو په ترڅ کې د عظیم الشان قران د څو مبارکو ایتونو تر تلاوت وروسته د پټۍ په پریکولو سره پرانیستل شوه.

د وزارت سرپرست او مالي او اداري معین ډاکتر سید احمد حقبین د ودانۍ د پرانستلو پر مهال خوښي څرګنده کړه ده وویل:د ویاړ ځای دی،چې د وزارت د مشر تابه پلاوي په هاند او هڅو د وخت د غوښتنو سره سم د لیسې د زده کوونکو لپاره د زده کړې اسانتیاوې او مناسب چاپیریال رامنځته کېږي.ددغې ودانۍ قرار داد ،چې موږ یې نن ګټې اخستنې ته سپارو د ایما،اسیا ،اروپا د ساختماني شرکت سره شوی و،چې په ټاکلې موده یو کال کې د هغې چارې بشپړې کړې د ځمکني لاندېني پوړ سره څلور پوړه کېږي چې (۵۱)خونې او (۹۰۰)متر مربع مساحت لري، د برښنا،مرکزګرمۍ او کانالیزاسیون په منظم سیستم سمبال او ۴۱ میلیونه افغانۍ لګښت په راغلی دی.

ښاغلي حقبین د نوموړي ساختماني شرکت څخه د ودانۍ د جوړونو په چارو کې د ښه کیفیت له امله مننه وکړه او همدارازیې د لیسې اداري پلاوي ته د ودانۍ د ساتنې،پاکۍ او صفایي په اړه لارښوونه وکړه.

دودانۍ تر پرانستلو وروسته یې د یوې بلې لیلیه ودانۍ د جوړولو چارې هم له نږدې وکتلې،چې ودانیزې چارې یې د بشپړېدو په حال کې دي.

یاده دې وې چې د پیر محمد کاکړ په عالي لیسه کې،چې دکابل ښاراړوند دپډوله په دښته کې موقیعت لري د هېواد د سرحدي او نا امنه ولایتونو او لریو پرتو سیمو(۶۰۰) تنه ځوانان په لیلیه توګه پر زده کړو بوخت دي.

51 total views, 1 views today

Leave a Reply

Your email address will not be published. Required fields are marked *