Categories

اعلان

Loading…

ولسمشر غني د هرات د امنیتي ستونزو د څېړلو لپاره هرات ته لاړ

تاند- د افغانستان ولسمشر اشرف غني نن هرات ته لاړ چې د دغه ولایت چارې له نژدې وګوري.

ولسمشر غني وروسته له دې هرات ته سفر وکړ چې په هرات کې د ناامنیو د زیاتېدو په باب شکایتونه وشول او د هرات والي فضل الله وحیدي یې له دندې لېري کړ.

ویل شوي چې ولسمشر غني د هرات له ولایتي چارواکو سره د ناامنیو په باب خبرې وکړې.

ده د دې سفر په لړ کې د هرات له قومي مشرانو او سپین ږیرو سره هم ولیدل.

له ولسمشر سره په دې سفر کې د کورنیو چارو او دفاع وزارتونو او د ملي امنیت د ریاست چارواکي هم ملګري ول.

ده د هرات د امنیتي وضعیت د ښه کېدو لپاره د خلکو د نظرونو له اورېدو وروسته ځیني سپارښتنې وکړې.

ویل شوي چې ولسمشر به نن وروسته د هرات د سفر په اړه خبریالانو ته معلومات ورکړي.

486 total views, no views today

1 comment

  1. samiullah Reply

    ولسمشر پدی کی ډیر فعال دی چی لوړ پوړی چارواکی له دندو ګوښی کړی هو پدی کی ډیر کمزوری دی چی وزیران معرفی کړی او هغه دا وایی چی په کبینه ځنډ پدی راغلی چی دای او اجرایا ریس د کار خلک لټوی هو دا خقیقت ندی پدی چی دوی دواړو د خلکو سره د لوړو فسټو وعدی کړیدی چی هغه باید پوره کړی او بل دوی دواړه نه غواړی چی کرزی صیب مامورین په دندو پاتی شی

Leave a Reply

Your email address will not be published. Required fields are marked *

۸