Categories

اعلان

Loading…

اجرائیه رئیس د کندهار د لندې مېوې له سوداګرو سره وکتل

خبرپاڼه

تاریخ: 3 جدی ۱۳۹۳

کابل افغانستان- د افغانستان د اسلامي جمهوريت اجرائیه رئیس د کندهار ولایت د لندې مېوې له سوداګرو سره ولیدل او د هغوی پر ستونزو یې ورسره خبري وکړې.

د لندي مېوې یادو تجارانو د مارکېټ او دوکانونو په برخه کي د هغو ستونزو په اړه خبري وکړې، چي په کندهار ولایت کي ورسره مخامخ ول او په دې مورد یې د حکومت د مرستي غوښتنه وکړه.

یادو سوداګرو له حکومت څخه وغوښتل، چي ددوی د ستونزو غم وخوري او محلي مسؤلینو ته هدایت وکړي، چي د امکان تر حده ورسره مرسته وکړي.

د افغانستان د اسلامي جمهوریت اجرائیه رئیس ډاکټر عبدالله عبدالله د کندهار ولایت د لندې مېوې سوداګرو د ستونزو تر اورېدلو وروسته وویل، حکومت ژمن دي، چي په ټولو برخو کي د هیواد د اتباعو د ستونزو د حل لپاره کاري ګامونه پورته کړي.

اجرائیه رئیس د لندې مېوې له یادو سوداګرو سره ژمنه وکړه، چي د قانون په رڼا کي به یې د ستونزو د حل لپاره کار کيږي او حکومت به د مسؤل ارګان په توګه د خلکو د مشکلاتو د له منځه وړلو لپاره ګامونه پورته کوي.

نوموړي د هماغه جلسې له منځه له اړوندو مسؤلینو سره خبري وکړې او د یادو سوداګرو د ستونزو د حل لپاره یې لازم هدایات ورکړل.

 

9 total views, 2 views today

Leave a Reply

Your email address will not be published. Required fields are marked *