Categories

اعلان

Loading…

د ولسمشر شایسته سالاري!/ امید زهیرمل

ښه مې په یاد دي، اوسني ولسمشر په لسګونو هغو مرکو، مناظرو، بحثونو او ويناوو کې چې د خپل ټاکنیز کمپاین پر مهال یې له رسنیو سره کړي دي، دا خبره په جدیت او زغرده سره په ډاګه کړې، چې (( د هر دولتي پوست لپاره به له ټولو وړاندې تخصص، وړتیا او شایسته سالاري په پام کې نېول کیږي.))

همدارنګه ولسمشر په خپل کتاب د ( عادلانه نظام لار) کې د شایسته سالارۍ تر بغلي عنوان لاندې په ۱۱۲ صفحه کې لیکلي، چې ((د شایسته سالارۍ مفهوم دا دی، چې کارپوه، رېښتني او په روښانه اصولو ولاړ خلک باید د دولت د اصلي اقتدار په سر کې واقع شي. زموږ په ژبني اصل کې دېته کار اهل کار ته سپارل وایي.))

خو اوس خبره دا ده، چې جناب ولسمشر د خپلو کارونو له پیل وروسته دا ټول ټکي په نظر کې نیولي او کنه؟

زه په وروستيو ګامونو او ورځو کې د حکومت ګډو برخو او کمپونو ته د دوی تېرې هغه ژمنې وريادوم، چې له ولس نه يې د ټاکنو پرمهال رايه پرې راټوله کړه.

په دې وروستیو کې له ارګ یو شمېر کره سرچینو یو احتمالي نوملړ خپور کړی، چې په کې د تازه ټاکل کېدونکي کابینې د یو شمېر مهمو وزارتونو لپاره د اشخاصو نومونه ذکر شوي دي. شايد دا کار به تر ډېره د خلکو د ذهنيت معلومولو او غبرګونونو په تړاو وي، خو اوس يې موږ په دې خبرې کوو، چې کېدای شي، ځينې داسې کسان هم په کابينه کې وي، ځکه چې د کابينې جوړونې پر سر د ناندريو يو ټکی هم دا ډول کسان دي.

په دغه لېست کې له نورو پرته د يو شمېر خورا مهمو وزارتونو او ادارو لپاره ځينې داسې ازمويل شوې څېرې را وړاندې شوې، چې نه کاري اهليت پکې ښکاري او نه يې هم په تېر کې کومه داسې کړنه تر سره کړې، چې د افغانانو درد د يې ور دوا کړی وي، پرته له زهر شيندلو او فساد.

اوس پوښتنه دا ده، چې د ولسمشر او اجرايه ريیس غوړچاپې وعدې د دغو اشخاصو له کوم ډول شایسته سالارۍ، تخصص او ژمنتیا سره اړخ لګوي.

د دغو ازمويل شويو کسانو له لاسه د افغانستان د سولې بهير په ټپه ودرېد، د شخصي عقدو له مخې ځينې داسې کارونه تر سره شول، چې د سولې پروژه صفر شوه او پيسې يې ځينو شخصي جيبونو ته په يوه او بل نامه لاړې.

د روان کال په ټاکنيز بهير کې افغان ولس د ګڼو داسې پېښو شاهد وو، چې ټاکنې ځينو دا ډول کسانو چې اوس را مخته شوي، په لوی لاس بحراني کولې. دغو افرادو او ډلو د ټاکنو په کميسيون کې د خپلو با نفوذه کسانو په مټ ډېر داسې کارونه تر سره کړل، چې غوښتل يې دغه سياسي پروسه ناکامه او په ټپه ودروي، ترڅو د دوی شخصي ګټې خوندي شي.

د دې کسانو په لېست کې داسې نومونه هم د خواله رسنيو پر تندي راڅرخي، چې له سره د افغانستان لپاره ژمن نه وو او نه به وي او نه هم افغان ولس ورته لومړيتوب لري. د دغو کسانو له ډلې ځينې يې اوس هم ډیورنډ ته د پاکستان او افغانستان رسمي سرحد وايي، د پرديو هېوادونو په ځانګړې توګه د ګاونډيانو ګټې په افغانستان کې خوندي کوي.

په حکومت کې د دوو انتخاباتي کمپونو له نيتونو داسې ښکاري، چې د ولس په ارادو ملنډې وهي او ورځ تر بلې کابينه په يوه او بل نوم سره ځنډوي.

موږ په هره برخه کې د هغې برخې متخصصينو ته اړتيا لرو، ځکه چې همدا اوس افغانستان کې ګڼې ادارې د کاري کسانو له کموالي سره مخ دي او په تېر کې چې کومې ادارې وېشل شوې وې، لويه برخه يې د سياسي جوړ جاړي له مخې وېشل شوې وه او حکومت مشر د امتياز او يا حق السکوت په توګه ورکړې وه.

هيلې دا وې چې داځل به له ولس سره د تېر په څېر کړنه نه تر سره کېږي، په سر به يې داسې کسان نه مسلطيږي، چې په تېر کې يې هرڅه ترې تروړلي وو.

240 total views, 1 views today

1 comment

  1. Wahab Reply

    What is Deviran Line?
    When U have power your Army pass the Attack & set at Karachi & Delhi ,
    Sham & Sham we said any thing about boundary line with Pakistan.
    Where is Boundary when Ahmad Shah Baba capture India that was power 7 Power ,please stop Durain line Issue by the time when we set then we Ask about It.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2