Categories

اعلان

Loading…

الله شا کوکو جان/ عصمت قانع

زه چې ماشوم وم د کلي د چاغو پسونو شپون وم، نیمه ورځ به مکتب ته تلم او نیمه ورځ به مې د کلیوالو هغه چاغ پسونه چې د قوس د میاشتې په وروستۍ لسیزه کې به یې حلالول او بیا به یې په مخصوصه طریقه وچول تر څو د ژمي په واورینو شپو کې د لاندې شوروا ترې جوړه کړي، څروول.

د دغو پسونو لپاره د کلي د رشقې او شفتلو کښتونه او په وښو پټ کڅونه جایز وو، چې په کې وپوول شي.

کلیوالو خوا نه بدوله که به د لاندي پسونه د چا د کچالانو پر کښت ور برابر شول یا د شنو غنمو پر پټیو او خصیل باندې واوښتل، په ډاډه زړه به په کې څرېدل او ما به د ماشوم شپونکي یوه مخصوصه غړانګه ورسره کوله: وه لالی د ګلو نګه وان دی!

زموږ د ولسوالۍ بازار له غزني څخه د راغلیو کسبګرو لپاره مناسب بازار وو، دلته د غزني او هزاره جاتو موچیان، مستریان، د وچې میوې سوداګر او د اوسپنې د سامان آلاتو د جوړولو پښان او اهنګران هم هستوګن وو، چې اکثرو یې د کسب او کمال له لارې ډوډۍ خوړله.

په دغو کسبه کارانو کې به د اوړي په موسم کې شعبده بازان، مداریان او جمبوریان هم راتللو چې د بازار په لوی میدان کې به یې د جادو او منتر ننداره په پیسو خرڅوله.

په دغه ننداره کې به مداري استاد خپل جمبوري ته د الله شا کوکو جان سندره ویله. مداري استاد به ناره کړه چې الله شا کوکو جان تو کلاه داری یا نی؟

جمبوري به هم د الله شا کوکو جان غړانګه ورسره غبرګه کړه او خولۍ به یې په خوله کې ورته ونیوله. بیا به مداري استاد د الله شا کوکو جان غړانګه زمزمه کړه او په زمزمه پسې به یې یوه پوښتنه وتړله: تو نسوار داری یا نی؟

او جمبوري به د نسوار قطۍ له خولۍ څخه را وغورځوله او له دې طرفه به یې بیا ورسره د الله شا کوکو جان غړانګه زمزمه کړه.

موږ به ښه په ځیر سره متوجه وو، چې له جمبوري سره به ټول شیان ختم شول او فکر به مو کاوه چې اوس به مداري استاد د څه شي د لرلو او نه لرلو پوښتنه ترې کوي، ځکه د جمبوري په چانټه کې خو ټول شیان ختم شوي دي.

تلوسه به مو ډېر ګړندي حالت ته واوښته، بس سترګې به مو په جمبوري کې ښخې وې چې هر څه خلاص دي، مداري استاد به اوس د څه په باره کې تپوس کوي او د لرلو او نه لرلو په باره کې به یې جمبوری څه وایي؟

مداري استاد به بیا غړانګه شروع کړه، ډولکی به ورسره ودربېدلو او د الله شا کوکو جان سندریز سروکي به انګازه وکړه.

الله شا کوکو جان تو ګوګرد داری یا نی؟ او جمبوري به هم الله شا کوکو جان زمزمه کړ او له خولې څخه به یې د ګوګړو یو وړه پلاستیکي قطۍ راوغورځوله. موږ ساده باده کلیوال به اریان دریان ورته ولاړ وو.

زموږ د کلي محمد نور بایسکل ساز چې په کلي کې د جهان ګشته سړي په نامه مشهور وو، کوټه، کابل، پېښور او مزار شریف یې لیدلي وو.

د مداریانو په باره کې یې ویل چې دوی د چشم بندۍ خاص جادو کوي، په اصل کې کومه ننداره چې وړاندې کېږي حقیقت نه لري، خو دا د چشم بندۍ کمالات دي چې اصلي صحنه زموږ تر سترګو په یوه بل شکل سره تصویر او انځور جوړوي.

پرون یوه لوړ رتبه امریکایي دیپلومات تبصره کوله چې له ۲۰۱۴ ز کال وروسته طالبان تر هغو پورې د امریکا دښمنان نه دي تر څو چې امریکایي مفادات یې له ګواښ سره مخامخ کړي نه وي.

اوس نو سړی حیران پاتې شي چې امریکایي مفادات څنګه له ګواښ سره مخامخ کېږي او په سیمه کې د امریکا ګټې څه ته وایي؟

یو ځل خو طالبان په سیمه کې د امریکا د ګټو دښمنان وو، ځکه د دوی تر حاکمیت لاندې د نیویارک د سوداګرۍ د برجونو پرضد د برید پلان جوړ او عملي شو او بیا همدغه ګناه وه، چې د طالبانو حاکمیت ته یې د پای ټکی کېښود، ځکه اسامه بن لادن ته یې پناه ورکړې وه.

د طالب نظام ړنګ شو، اسامه د پیریانو جامې واغوستې او تری تم شو، اما القاعده یې لس کاله د امریکا پرضد وجنګېدله.

ناڅاپه اسامه په ایبټ آباد کې پیدا شو، هغه چا چې په کندهار کې پناه ورکړې وه، هغه د کال دوه زره میلیونه ډالره نور وګټل، د نړۍ شعور اریان دریان کتل چې دا څه لوبه روانه ده؟ بیا هم لوبې دوام وکړ.

اوس د امریکا د متحده ایالاتو سیمه ییزه جمبوریان یو ځل بیا له امریکا سره د الله شا کوکو جان سندره زمزمه کوي.

مداري استاد به له واشنګټن څخه ډولکی وښوراوه، چې الله شا کوکو جان تو القاعده داری یا نی؟ او په اسلام آباد کې به محلي جمبوري د رمزي بن الثیبه په څېر یو عرب له خولې څخه ورغورځاوه، دنیا به د جمبوري د خولې ظرفیت ته په حیرت سره وکتل او جمبوري به هم د امریکایي ارګستر له کمپوز سره د سندرې سروکی ور غبرګ کړ، چې الله شا کوکو جان.

دا ځل د سندرې د سروکي زمزمه په یوه ډېره تلوسه لرونکي پړاو کې ده، دا تلوسه د سترې لوبې یوه عجیبه صحنه ده.

په ۲۰۱۵ ز کال کې به امریکایي کمپوزیتور د لوبې نوې سندره له یوې نوې زمزمې سره د نندارې صحنې ته وړاندې کوي.

امریکایي استاد به د الله شاکوکو جان تو ملا عمر داری یا نی؟ سروکی زمزمه کړي او پنجابی استاد به سندره ور غبرګه کړي او سړپ ملاعمر به تر خوله غورځار کړي او بیا به سروکی ور غبرګ کړي، چې الله شا کوکو جان!

608 total views, 1 views today

12 comments

  1. محمداکبر عبیدی Reply

    محترم قانع صاحب سلامونه او نیکی هیلی می ومنی
    لیکنه مو ریښتیا هم ډیره زړه راښکونکی ده ، د امریکایی جمبوریانو د پریکړی ډیرښه تحلیل مو کړی دی ، خو کاش چی زمونږ سیاستمداران هم د نورمحمد باسیکل ساز په شان موضوع ته متوجه شی .

  2. طوفان افغان Reply

    دا خوب دې اوبو ته وښایه چې بې فضله نشي که ملا عمر ته دپاکستان وس ورسیدلې په خدای اوس به یې لا وختي ورکړې وای

    1. عبدالله مل Reply

      عصمت الله خانه !!! خدای دې خوشاله اوږد ژوند درکړې.هیله ده چې قلم دې دګران هیواد په خدمت کې اودداسې خلګو په سر خلاصولو کې ډیر هڅا ند وچلوې لکه طوفان خان جان چې دده جهل مرکب دې او نوموړی طوفان دفیل په غوږکې بیده دی.بد بختانه زموږ ډیر هیوادوال دطوفان په ډول بې تجریبې او دخپلو مشرانو (ملا عمر) دحال اوځای څخه ناخبره دې خدای دې دوی پوه کړې دنظر محمد مطمین سره سره.امین ځکه دوی دواړه دجهل په طوفان کښې غرق دې

    2. الهام Reply

      طوفان جا نه ! دډیر افسوز او دژړا ځای دی ! هغه څوک چې شعاریې اسلام او دشریعت پیاده کول یې نا ره ده دغسې وزر لرونکې درواغ وا یې چې دغه ښاغلی (ملا عمر) په داخل دهیوادکښې دی.دغه درواغ په هیڅ ډول روا اودتوجیه وړ نه دې. علیه الصاوت والسلام چې داحد په غزا کښې کښې زخمې او صحا به کرام اکثره متلاشا اودده مبا رک څخه لیرې وه.دمشرکینو لښکر دابو سفیان په مشرې په ډیر غرور سره وویل : افیکم محمد؟ افیکم ابوبکر ؟افیکم عمر؟ الخ
      ژباړه :په تاسې کې محمد ص شته؟ په تاسې کې ابوبکر رض شته؟ په تا سې کې عمر شته؟
      صحابه کرامو سکوت وکی اوداسې درواغ یې ونه ویل چې : نه نشته
      اوکه دغه ښاغلی ستا سې ډله تر علیه السلام ښه او بهتراو مشرف بولی

      1. الهام Reply

        که ستا سې دډلې دغه عقیده وې خودغه اسلامې عقیده نه ده.په پا رسې ژبه کې متل دی چې وا یې: کفر که از کعبه بر خیزد – کجا با شد مسلما نې
        طوفان ګله!!!خدای دې موږ او تا سې ټو له په صحیح معنا په اسلام او په وطن پوه کړې.امین
        دکفر ټا فې وهل ډیر اسانه کاردې چې څوک یې پر بل چا ووهې. خو حق اوحقیقت پیژندل او پر هغوی عقیده درلودل بیا بل څیز دې

  3. Tawab Reply

    دا ړندک ملا عمر دي ددې ټولي دنیا په سطحه دومره پوه ، زورور او سیاست مدار دي چي نه د پاکستان او نه هم د امریکا وس په رسیږي . وا وا شاکوکو جان تو خبر داري یا نې

  4. Tawab Reply

    ( په خدای اوس به يې لا وختي ورکړي وای )
    خپلي خبري بې قسمه هم تا غوندي خلګ درسره مني . د قسم اخیستلو په مفهوم او قدر دي خدای پوه کړه ، نور به شین خانه څه درته ووایم

  5. ګنډېری Reply

    یره قانع صیب ودې خندولم. 🙂 سره له دې چې یو وخت چې مونږ ته غني ګران وو او تا سپک کړی وو درنه خفه وم خو ریښتیا خبره ده چې ښه قلم لرې. خدای دې عمرونه درکړي. البته، دې ته ګورم چې د ۲۰۱۵ تر پایه به دا سروکی که ژوند وو په خپلو سترګو وګورو که نه 🙂

  6. hassan Reply

    رښتیا هم دا جمبوری یی ډیر ښه روزلی دی او خپل مداری استاد ته ډیر وفاداره دی.افسوس په تماشاچیانو او ننداره کوونکو چی لاتر اوسه د جمبوری په چلونو نه پوهیږی. قانع صاحب د ژوندی وی چی لږ او ډیر د جمبوریانو او مداریانو د چلونو او نندارو په باب خپل ولس ته معلومات ورکوی او خپل ویده ولس راويښوی.

  7. Abdul Bari Reply

    قانع ګله ولا ودی خندولم. خو یوخ خبره رښتیا ده. الله شاکوکو جان د کابل د پاړسیوانانو یوه محلی سندره ده نو ستا د خبرو څخه داسی مالومیږی چی ۵۰ کاله پخوا هم پاړسیوانانو ټول پښتانه خطا ایستلی وه او موږ ورته وازه خوله ناست وو اونن یی هم پر موږ ساده ګانو هغسی بازار تود دی. په دی کښې ګرم څوک دی؟ زه خو وایم د مداریانو دی د مور شیدی سی

  8. مفتون Reply

    اله شاکوکو جان (قانع ګله!) یک قیصه دیګر داری یا نی؟ اله شاکوکو جان

  9. mohammad ehsan ehsan Reply

    قانع صاحب !تا ډېره ښه لیکنه کړې ده خو خو د غریبې کونډې د نلا د وار قصه ده چې ویل یې (ملا صاحب ښه پوهېږم چې دکورتو په سر ګوړه اچول کېږي او ښه خوند کوي خو څه وکړو نېستي دهاو وس نشته )

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2