Categories

اعلان

Loading…

د سولې شورا له ګوانتنامو د ۸ نورو افغان بندیانو د خلاصون غوښتنه وکړه

تاند- د افغانستان د سولې عالي شورا له ګوانتنامو څخه د ۴ افغان بندیانو خلاصون تایید کړ، ویې ویل چې د پاتې ۸ نورو افغان بندیانو د خوشي کېدو غوښتنه کوي.

د افغانستان د سولې عالي شورا نن ومنله چې شاه ولي، خیالي ګل، عبدالغني او محمد ظاهر په ګوانتنامو کې له لس کاله بنده وروسته افغانستان ته سپارل شوي دي خو لا هم ۸ تنه افغان بندیان په ګوانتنامو کې دي چې افغانستان یې غوښتونکی دی.

د افغانستان د سولې عالي شورا وویل، له ګوانتنامو څخه به څلور تنه خوشي شوي افغان بندیان ژر خپلو کورونو ته وسپارل شي.

پرون د افغانستان د حکومت چارواکو ویلي و چې له طبي معاینو وروسته به افغان بندیان خپلو کورنیو ته وسپاري.

شاه ولي، خیالي ګل، عبدالغني او محمد ظاهر

شاه ولي، خیالي ګل، عبدالغني او محمد ظاهر

راپورونه وايي چې امریکا دا څلور تنه د افغانستان د ولسمشر اشرف غني په غوښتنه افغانستان ته سپارلي دي.

تېر کال امریکا درې طالب بندیان د خپل یوه برمته شوي پوځي د خلاصون په بدل کې قطر ته ولېږل.

ګومان کېږي دا بندیان به د افغانستان له حکومت سره د افغانستان د حکومت د سولې په خبرو کې مهم رول ولوبوي.

په ګوانتنامو کې لا هم د ۸ افغانانو په شمول د نړۍ د مختلفو هیوادونو ۱۳۲ بندیان ساتل کېږي.

11 total views, 2 views today

Leave a Reply

Your email address will not be published. Required fields are marked *