Categories

اعلان

Loading…

د کرکټ بورډ اجرايي رييس د ولسمشر له دوهم مرستیال سره وکتل

د افغانستان کرکټ بورډ بورډ عمومي رئیس نسیم الله دانش د افغانستان اسلامي جمهوریت دوهم مرستیال سرور دانش سره وکتل

د افغانستان کرکټ بورډ عمومي رئیس نسیم الله دانش او ددغې ادارې یو شمیر نورو غړو نن ماسپیښین د افغانستان اسلامي جمهوریت دوهم مرستیال سرور دانش سره د نوموړي په کاري دفتر کې وکتل.

د ولسمشر دوهم مرستیال سرور دانش په پیل کې د کرکټ بورډ عمومي رئیس نسیم الله دانش ته د ورکړل شوې دندې مبارکي ووییله او دوی ته یې د بریالیتوبونو غوښتنه وکړه. دانش د کرکټ لاسته راوړنې د ټول ملت لاسته راوړنې وبللې او په افغانستان کې یې د نورو سپورتونو ترمنځ دغه ورزش له لارې راوړي ویاړونه او خوشحالۍ بې سارې وبللې. نوموړي د نوي مدیریت له کاري پیل څخه ستاینه وکړه او ویې وییل چې موږ باور لرو چې د نوي مشرتابه د غوره پلانونو او کوټلو ارادو پر مټ به د کرکټ بهیر له نویو رنګونو څخه تیر شي. نوموړي د کرکټ بورډ چارواکو ته ووییل چې، د کرکټ بورډ ادارې ته تل ددوی دفتر دروازی پر مخ خلاصې دي او د خپل دفتر رئیس ته یې سپارښتنه وکړه چې تر هر څه وړاندې به د کرکټ بورډ ادارې پورې اړونده چارو او وړاندیزونو ته لومړیتوب ورکوي. دوهم مرستیال سرور دانش د افغانستان کرکټ بورډ عمومي رئیس ته ووییل چې، دوی به د کرکټ بورډ غوښتنو ته لومړیتوب ورکوي او زیاته یې کړه چې، د کرکټ بورډ اداره دې خپلې غوښتنې په لیکلي ډول د نوموړي دفتر ته وسپاري تر څو د لنډې مودې په ترڅ کې اجراء شي.

د کرکټ بورډ عمومي رئیس نسیم الله دانش ووییل چې، موږ په هوډمنو ګامونو یو نوی پیل اخیستی دی. زموږ کاري لومړیتوبونه به د کرکټ بورډ ادارې لپاره د لس کلنې سټراټیژۍ جوړول، د ملي لوبډلې لپاره د غوره پروګرامونو عملي کول، د نړیوال جام سیالیو کې د ملي لوبډلې اغیزمنه ونډه، د کورني کرکټ په کچه نوښتونه او د اداري جوړښت پیاوړتیا وي. دانش ووییل چې، موږ یو غني کرکټ لرو او دغه غني جوړښت ته به نوره وده هم ورکوو. نوموړي ووییل چې، موږ په پلان کې لرو د ملي لوبډلې لپاره یو مالي حساب پرانیزو تر څو په راتلونکې کې د ملي سوداګرو او نړیوالو پانګونکو لخوا جلب شوې مرستې دغه حساب ته په مستقیم ډول ولیږدول شي. دانش د ولسمشر دوهم مرستیال له همکاریو مننه وکړه او زیاته یې کړه چې د کرکټ بورډ اداره د یوې ملي ادارې په توګه د دولت ځانګړې پاملرنې ته اړتیا لري. دانش د ولسشمر دوهم مرستیال ښاغلي دانش ته د کرکټ بورډ عمومي جوړښت په اړه هم معلومات وړاندې کړل. نوموړي ووییل چې، ددغې ادارې سیستم له پرمختللیو سیستمونو سره برابره دی او د کرکټ بورډ نوي چارواکي به دغه سیستم له نړیوالو معیارونو سره په هر اړخیزه توګه برابر کړي.

د کرکټ بورډ د اجراییوي رئیس مرستیال دوست محمد نظري هم د ولسمشر له دوهم مرستیال څخه مننه وکړه او ویې وییل چې، د کرکټ بورډ اداره د یوې ملي ادارې په توګه خپلو مسئولیتونو ته ژمنه اداره ده او په هره کچه به خپل ملي رسالت په ډاګه کوي.

58 total views, 2 views today

Leave a Reply

Your email address will not be published. Required fields are marked *