Categories

اعلان

Loading…

د جرمني ولسي جرګې په افغانستان کې د خپلو ځواکونو روزنیز ماموریت تصویب کړ

تاند- د جرمني د پارلمان غړیو د افغان امنیتي ځواکونو د روزنې لپاره افغانستان ته د ۸۵۰ جرمني پوځیانو لېږل تصویب کړل. د دوی دا ماموریت به راتلونکې اوونۍ پیل شي.

د جرمني د پارلمان ولسي جرګې د پنجشنبې په ورځ د ۱۰۲ مخالفو رایو په وړاندې په ۴۷۳ موافقو رایو دا ماموریت په داسي حال کې تصویب کړ چې د جرګې ۱۸ غړي حاضر نه ول.

د جرمني پوځیان هر بهرنی ماموریت د پارلمان موافقې ته اړتیا لري.

جرمني له امریکا او بریتانیا وروسته په افغانستان کې تر ټولو زیات پوځیان لرل. د دغه هیواد ځواکونه د افغانستان په شمالي ولایتونو کې مېشت ول چې امنیتي وضعیت یې په نسبي ډول ښه دی.

جرمني تر یو کال پخوا پوري په افغانستان کې شاوخوا ۵ زره سرتېري لرل خو اوس په افغانستان کې د جرمني پوځیانو شمېر ۱۱۸۳ دی چې دا هم په راتلونکو دوو اوونیو کې خپل هیواد ته ځي.

43 total views, 2 views today

Leave a Reply

Your email address will not be published. Required fields are marked *