Categories

اعلان

Loading…

محور ورځپاڼه: په قطر کې د طالبانو د کور دروازه بیا پرانستل شوه

له اوږده ځنډ وروسته په قطر کې د طالبانو د دفتر دروازه بیا پرانستل شوه. دغه دفتر ته له افغانستان، پېښور او کوټې څخه طالب مشران رسېدلي دي.

افغان امنیتي سرچینې وایي، له دویم ادرس څخه د خبرو د پیل کېدو له وېرې پاکستان په افغانستان کې غلچکیو بریدونو ته زور ورکړی دی.

سره له دې چې په قطر کې د مذاکراتو ابتکار له امریکا سره دی، خو په دغه هېواد شک دی چې د پوځي اډو له جوړېدو وروسته یې د افغانستان له امنیتي سکتور سره د جنګ په میدان او د معلوماتو شریکولو په برخه کې خپلې مرستې صفر ته راټیټې کړې دي.

د محور ورځپاڼې ترلاسه کړي معلومات ښیي چې یو وار بیا په قطر کې د سولې خبرې اترې ګرمې شوې دي او په همدې تړاو له افغانستان، کوټې او پېښور څخه ځینې طالب مشران او د طالبانو خواخوږي همدا وخت قطر ته رسول شوي دي.

په قطر دفتر کې د سولې په خبرو اترو کې پر ښکیلو غاړو دا ځل چینایان هم اضافه شوي او د پاکستان په هغه دوه استازو هم هوکړه شوې ده، چې وړاندې یې په یوه جنجال وو.

د سولې عالي شورا غړي حاجي موسی خان هوتک له محور سره په مرکه کې تائید کړه، چې په قطر کې د سولې خبرې اترې تر یوه اوږده ځنډ وروسته بیا پیل شوې دي او پدې اړه پر افغانستان سربېره له کوټې او پېښوره هم طالب مشران او استازي قطر ته رسېدلي دي: ((دا ځل د سولې خبرې اترې ځکه متفاوتې دي، چې انګلستان او امریکا هم موافقت ښودلی. د پاکستان دوه استازي، قطر مېشتي طالب مشران، یو شمېر بهرنیان او له افغانستانه رسول شوي طالب خواخوږي هم پدې مذاکراتو کې شته دي.))

شنونکي وایي، پاکستان له همدې وېرې چې د سولې د خبرو اترو کیلي یې له لاسه ونه وځي په افغانستان کې یې بریدونو ته زور ورکړی، خو په تازه کې ولسمشر غني ویلي، چې په هر ډول کېږي، نو امنیت به راولي او هېڅ ډول بریدونو ته نه تسلیمېږي.

د بشري حقونو د نړیوالې ورځې په غونډه کې یې وویل، چې د سولې لپاره په یو هر اړخیز چوکاټ کار روان دی: ((د افغانستان ګڼې ستونزې په نظر کې نیسو. په سیمه ګې هم ګڼې ستونزې شته، چې ددې ټولو ترمنځ د سولې لپاره په یو هر اړخیزه چارچوب کار روان دی.))

د سیاسي چارو شنونکی او د سولې عالي شورا یو بل غړی عبدالحمید مبارز وایي، په مجموع کې طالبان هم له جګړې ستړي شوي، خو یوازې هغه ډله جنګول کېږي، چې د استخباراتي کړیو تر فشار لاندې دي: ((مذاکرات روان دي. د امریکا، انګلستان او سعودي عربستان اغېز به پاکستان مجبوروي چې د افغانانو په مشرۍ د سولې بهیر ملاتړ وکړي.))

د سولې په اړه پر پاکستان د فشار خبره داسې مهال مطرح کېږي، چې د پاکستان د بهرنیو چارو وزارت ویاندې تسنیم اسلم رسنیو ته ویلي، چې پاکستان د هېڅ هېواد فشار ته نه تسلیمېږي.

خو ښاغلی مبارز وایي، نوي افغان حکومت د سیمې اوضاع درک کړې او افغانستان اوس د پاکستان د انرژۍ او اقتصاد د ترانزیټي لارې په توګه پخپله د فشار هغه وسیله ده چې پاکستان له غاړې اېښودو پرته بله لار نه لري.

په ورته وخت کې د سولې په اړه د امریکا په نیت هم شک موجود دی، چې د پوځي اډو تر جوړېدو وروسته یې هغسې چې له افغان امنیتي سکتور سره د جګړې په ډګر کې او د معلوماتو د شریکولو ژمنه کړې وه، مرسته نه کوي.

586 total views, no views today

1 comment

  1. روغ لیونی Reply

    په ملحدو کافرو نه باید چه اعتبار وشی. د هر حرکت او پلان له پاره باید چه یو موازی الترنتف ولرو. اوس اوس ټول اولس په پدی پوه دی چه پاکستان د ټولو افغانانو او په خاصه توګه د پښتنو خورا ستر دښمن دی. پنجابیان هڅکله نه غواړی چه یو هوسا او آرامه افغانستان په دی ساحه کی ووینی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2