Categories

اعلان

Loading…

آدرس: څومره نژدې دومره لېرې

شهرت ننګیال –

حکومت، ادارې، شنونکي، استخبارات، د سولې شورا زړونه خوري چې طالبان آدرس نه لري…؟

تر اوسه دغه درک نه دی لګېدلی…

تاسې ته دې وویل شي، چې دغه ورکه زموږ یوه بېسواده کلیوال «زاول لالا» موندلې، داسې چې د خپلې حقوقي دوسيې په اړه يې د طالبانو د سترې محکمې «تمیز» قضايي قرار هم تر لاسه کړی، دوه واره يې له کلي د شاهدانو ډله د خپلې مدعا د اثبات لپاره تر محکمې صحيح سلامته بیولې او بېرته کلي ته راوستلې ده…

ما له دوو قاضیانو د قضايي قرار په اړه پوښتنه وکړه، خو د زاول لالا په کچه يې مستند معلومات نشوای راکولای… له دغو قاضیانو یوه خپلې لوړې زده کړې بهر کې بشپړې کړې، بل د څلوېښتو کالو کاري تجربه… خو زاول لالا په دواړو تېر کړې…

قضايي قرار څه مانا…؟ زاول لالا په دغه راز زموږ له قاضیانو ښه پوه دی… دده په خبره طالبان قطعي پرېکړې نه صادروي چې د قضايي فیصلو لپاره هېواد کې دننه نظام او محاکم اړین دي…

زه په پينځه پنځوس کلنۍ ددغه قضايي قرار په لیدو د خپل کلیوال په اصلي نوم خبر شوم…

– زاول لالا! ضیاء الحق څوک دی…؟

– زما نوم ضیاء الحق دی، خو کلیوالو زاول ته را لنډ کړی…

لکه ما هم یوه ورکه موندلې وي… د زاول لالا اصلي نوم چې زموږ له ډېری بلکې ټولو کلیوالو بې درکه و…

مازیګر چې کلي ته کوز شوم د ژڼیو ځوانانو په خوله همدا خبره ګرځېده… د زاول لالا نوم ضیاء الحق دی… د زاول لالا اصلي نوم څه دی؟ دوی د زاول لالا د اصلي نامه په موندلو له هغې زیات خوشحاله ښکارېدل چې ځینې ښایی د طالبانو د آدرس په موندلو خوشحاله شوي وای…

زاول لالا اوس په دې خبرو او مسئلو کې دومره وارد دی چې که کابل کې يې دارالوکاله پرانیسته تاسې به ګورئ له ټولو ښه وچلېږي….

کلونه وړاندې پخواني ولسمشر رسنیو ته ویل: ملا عمر د جمعې لمونځ د کوټې په پلاني جومات کې اداء کړ، په دومره ټینګو ټکو لکه ده پخپلو سترګو لیدلی…

د ملي امنیت پخواني رییس ښاغلي صالح جنرال مشرف ته د تلیفون شمېرې هم پر مېز ايښې وې… بیا هم د طالبانو آدرس ورک دی…

که ملي امنیت یا د سولې شورا او نور د عریضو او طویلو تشکیلاتو او لګښتونو پر ځای د زاول لالا خدمتونه تر لاسه کړي وای نېغ به يې دغه آدرس ته درولي وای… بیا به د قطر دفتر ستومانیو ته هم اړتیا نه وای چې په یو متر سپینه ټوټه دواړه غاړې پخپل ضد او ځېل دومره ټینګې شوې چې پر تر لاسه کړي آدرس يې خاورې واړولې…

ما یوه طالب سره همدا خبره کوله چې نه ولسمشر جلالتمآب حامد کرزی له خپل ضد واوښت نه تاسې… جوړ کار مو وران کړ…

دده په وینا، خبره به د بيرغ وه که نه، خو که وه نو بیا که یوې خوا ته ګورې دوه ګزه ټوټه ده، خو چې بله خوا يې اړوې پرتوګ دی…

ما ویل ښه به وه دوه ګزه ټوټه مو کتلې وای، پرتوګ ته مو نه وای اوږده کړې…

دوه ګزه ټوټه چې د پرتوګ په بڼه ګورې، نو بیا د هغو څېرو مخه نشې نیولی چې له مودو يې د کونې او پرتوګ جنګ اچولو ته کار ویلی…

دغه تجربه دومره تکرار شوې چې د غاړې او نيکټايي شخړه يې هم رامنځته کړې ده…

د غاړې او نېکټايي په شر اړول د کونې او پرتوګ د جګړې په څېر خطرناک دي… په دې مانا که نېکټايي لږ شخه راواخیسته او وار يې برابر شو غرغره يې… ځکه خو داسې جنګ خپله یو بابېړی دی.

امریکایانو د طالبانو له بند خپل سرتېری، چېرې او څرنګه را خلاص کړ… آدرس تور وي که سپين…؟

دغه آدرسونه دومره څرګند دي چې ډېری سیمو کې د معارف دوه مدیران، دوه ولسوالان، والیان، ښوونکو او بودجه کې د طالبانو سهمیه له چا پټه نه ده.

355 total views, 1 views today

2 comments

  1. رفیع الله تائب Reply

    شهرت صاحب سلامونه مې ومنئ! کاشکې د زاول لالا پته راته مالومه وای چې ستا مالومات مې ترې کړی وای چې چیرته یې او څنګه درسره اړیکه نیولی شم؟

  2. ګنډېری Reply

    د ولس له پاره دواړه لوري قاتلین دي؛ دواړه داسې دي لکه جنګي سپي د یوه پړی د پنجابي په لاس کې دی او د بل خو وایي چې نړیوالې ټولنې سره دی او کله وایي له ولس سره…

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2