Categories

اعلان

Loading…

په دوو ترافیکي پېښو کې ۶۶ تنه ژوبل شول

تاند- په نیمروز او پروان کې په دوو ترافیکي پېښو کې ۶۶ تنه تنه ژوبل شوي او یو تن مړ شوی دی.

د راپورونو له مخې نن سهار وختي د زرنج – دلارام پر سړک د خاشرود په ولسوالۍ کې د سپرلیو موټر له یوه باري موټر سره ټکر شو چې په نتیجه کې یې یو تن ساه ورکړه او ۵۰ نور ژوبل شول.

د خاشرود ولسوال وویل چې د ټپیانو په منځ کې ماشومان او ښځې هم شاملې دي.

له دې پېښې جلا په پروان ولایت کې شپاړس تنه په ترافیکي پېښه کې ټپیان شول.

د پروان د والي ویندوی واحد صدیقي وویل چې دا پېښه نن چاریکار ته نژدې د پُل مټک په سیمه کې وشوه.

د صدیقي په وینا د سپرلیو بس هغه مهال د چلوونکي له کنټروله ووت چې موټر یې د سړک یوې کنډ وکپر برخې ته ورسېد. ده وویل چې بس له ونې سره ټکر شو او په نتیجه کې یې شپاړس سپرلۍ ژوبلې شوې.

4 total views, 1 views today

Leave a Reply

Your email address will not be published. Required fields are marked *