Categories

اعلان

Loading…

د برېښنا نشتوالی؛ ستونزه چېرې ده؟/ مجیب لمر

د ژمي موسم په را رسېدو سره په ټول هېواد کې د برېښنا ستونزې زیاتېږي؛ خو دغه ستونزه په کابل کې جدي ده. کېدای شي لامل یې دا وي، چې په درېیو نورو موسمونو کې د کابل اوسېدونکي تر ډېره بریده له برېښنا څخه برخمن وي؛ خو د ژمو په موسم کې بیا سربېره پردې، چې د کابل په ګڼو ځایونو کې برېښنا په نوبتي کېږي؛ ډېر کله داسې هم پېښېږي، چې خبره له ۲۴ ساعتونو اوړي او آن ځینو سیمو ته د ۴۸ ساعتونو په اوږدو کې هم برېښنا نه رسېږي.

د افغانستان برښنا شرکت د معلوماتو له‌مخې کابل ښار۵۰۰ میګاواټه برېښنا ته اړتیا لري؛ خو اوس‌مهال په کابل ښار کې ۳۵۵ میګاواټه برېښنا موجوده ده، چې ډېری برخه یې له بهر څخه واردېږي.

له ۳۵۵ میګاواټه برېښنا څخه ۲۷۰ میګاواټه وارداتي هغه ده، چې د منځنۍ آسیا هېوادونو (تاجکستان او ازبکستان) څخه واردېږي. په‌دې لړ کې یوازې۷۰ میګاواټه برېښنا چې کابل ښاریان ترې استفاده کوي، د افغانستان په اوبو تولید شوې برېښنا ده او پاتې ۱۵ میګاواټه یې حرارتي برېښنا ده.

په ټول کابل کې د برېښنا ۳۶ لینه فعال دي، چې د ژمي په موسم کې ۱۲ لینه برېښنا بندېږي او یوازې پاتې ۲۴ هغه یې فعال وي.

خو باور دا دی، چې د ستونزې جرړه بل چېرې ده.

د افغانستان برېښنا شرکت پېرېدونکي شاوخوا دوه ميلیارده افغانۍ پوروړي دي. دغه پور په عادي وګړو نه‌دی، بلکې دوه برخې دي: ۱ دولت ۲ زورواکان.

دولتي ادارې له ۹۰۰ میلیونو افغانیو زیات پوروړي دي او پاتې شاوخوا یو میلیارد افغانۍ پر زورواکانو پاتې دي. د افغانستان برېښنا شرکت تر دې‌دمه نه‌دی توانېدلی، چې له‌دغو دوو مراجعو څخه خپل پور ترلاسه کړي. دولتي ادارې د دغه پور پرې کولو لپاره بودجه نه‌لري او پر زورواکانو یې زور نه‌رسېږي.

که څه هم د یاد شرکت مسوولینو د پور ترلاسه کولو لپاره هڅې کړي؛ خو دغو هڅو مثبته پایله نه‌ده درلودلې. باور دا دی، چې اصلي ستونزه د برېښنا شرکت په مسوولینو کې ده؛ ځکه نه یوازې تر دې‌دمه په‌دې نه‌دي توانېدلي، چې د شرکت پور ترلاسه کړي؛ بلکې تر دې‌دمه جدي هڅې هم نه‌دي کړي. بل لور ته د دغه شرکت مسوولین د خپلو مقامونو خوندي کولو په موخه دا جرات هم نه‌دی کړی، چې لږ تر لږه د دولتي اورګانونو سربېره د هغو زورواکو نومونه له رسنیو سره شریک کړي، چې د برېښنا د مصرف له امله میلیونونه افغانۍ پوروړي دي.

په هېواد کې د برېښنا په برخه کې د ستونزې اساسي حل‌لاره د برېښنا د بندونو جوړول دي؛ خو دېته په کتو سره، چې لا هم پر بهرنیو مرستو تکیه یو او د تېرو ۱۳ کلونو په اوږدو کې بهرنیو مرستندویه هېوادونو د زیربناو جوړولو په برخه کې له افغانستان سره مرسته نه‌ده کړې، باور دا دی، چې په نږدې راتلونکې کې د دې توان نه‌لرو، څو دغې ستونزې ته د پای ټکی کېږدو.

خو د دوو میلیاردو افغانیو پور په ترلاسه کولو سره کولای شي، له یوه لوري د حرارتي برېښنا په تولید کې مرسته وکړي، چې د ژمي په موسم کې يې کارول مهم برېښي او له بل لوري له ګاونډیو هېوادونو څخه د برېښنا په واردولو کې موثر تمام شي.

له‌دې ټولو سره نوي افغان حکومت ته لازمه ده، چې د برېښنا شرکت پر مسوولینو له سره کتنه وکړي، نه دا چې د خپلو څوکيو د خوندي ساتلو په هدف ولس په تياره کې وساتي.

212 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2