Categories

اعلان

Loading…

ولسمشرغني: هیچا ته به اجازه ورنه کړو چې په افغانستان کې نیابتي جګړه وکړي

تاند- د افغانستان ولسمشر اشرف غني خبرداری ورکړ چې اجازه به ورنه کړي چې هیواد یې د نیابتي جګړې په میدان بدل شي.

ولسمشر غني دا خبرداری نن د نیپال په مرکز کتمندو کې د جنوبي اسیا د همکارۍ د ټولنې یا سارک د مشرانو په غونډه کې ورکړ.

له افغانستانه د سږ کال په پای کې د ناټو د جنګي ځواکونو وتلو اندېښنې زیاتې کړي چې ممکن د هند او پاکستان ترمنځ نیابتي جګړه پراخه شي.

دواړه له ډېره وخته پر یو بل تور پوري کوي چې د خپلو ګوډاکیو ډلو له نیابتي جګړې څخه په افغانستان کې د نفوذ لپاره کار اخلي.

ولسمشر غني د پاکستان د صدراعظم محمد نوازشریف او د هند د صدراعظم نندرا مودي په شمول د سارک د هیوادونو مشرانو ته وویل:«موږ به هیڅوک پرېنږدو چې زموږ په خاوره کې نیابتي جګړه وکړي.»

ولسمشر غني وویل:«زموږ د سیمې په اړه زما نظر له جګړې پاکه جنوبي اسیا ده چې هیوادونه یې باید له یو بل سره د جنګېدو پر ځای له بېوزلۍ، بېسوادۍ، ناروغیو، سو تغذیې او بې روزګارۍ سره مبارزه وکړي.»

ښاغلي غني د هند له صدراعظم نندرا مودي سره په مخامخ خبرو کې راتلونکی کال ته د هند د سفر بلنه ومنله.

هند په سیمه کې د افغانستان تر ټولو ستر مرستندوی دی.

دغه هیواد په تېرو ۱۳ کلونو کې له افغانستان سره څه باندې ۲ زره ملیون ډالره مرسته کړې ده.

340 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2