Categories

اعلان

Loading…

د افغانستان ولسمشر وايي هیچا ته یې د شپې د عملیاتو اجازه نه ده ورکړې

تاند- د افغانستان ولسمشر اشرف غني هغه راپورونه رد کړل چې ګنې افغان امنیتي ځواکونو او نړیوالو ځواکونو ته د شپې د عملیاتو اجازه ورکړای شوې ده.

ارګ په یوه خبرپاڼه کې ویلي، په رسنیو کې د افغان امنیتي ځواکونو له قوله دا خبر چې له بهرنیو ځواکونو سره د شپې عملیاتو اجازه ورکړای شوې یا به ورکړای شي، کاملاً بې اساسه دی.

په خبرپاڼه کې تاکید شوي چې «هیڅ ډول نظامي عملیاتو ته د شپې له خوا اجازه نه ده ورکړای شوې.»

په خبرپاڼه کې ویل شوي چې ولسمشر غني د افغانستان د ملي امنیت شورا ته دنده سپارلې چې د افغان امنیتي ځواکونو د عملیاتو د څرنګوالي د تنظیم لپاره له اسلامي او افغاني دودونو سره سمه کړنلاره چمتو کړي.

«د افغانستان د اسلامي جمهوریت جمهور رييس د افغانستان امنیت شورا ته دنده سپارلې څو یو طرزالعمل د افغانستان د ټولو اړوندو قوانینو، اسلامي او افغاني ارزښتونو او د افغانانو د دود او ځايي عنعنو سره په بشپړه توافق کې د افغان امنیتي ځواکونو د عملیاتو د څرنګوالي د تنظیم لپاره چمتو کړي.»

په خبرپاڼه کې دا هم ویل شوي چې دا کړنلاره به ولسمشر په خپله یو ځل ګوري او وروسته له هغه چې ډاډ ترلاسه شي چې په عملیاتو کې افغانانو او افغان امنیتي ځواکونو ته کوم خطر نشته، کېدای شي چې عملیات ترسره شي.

ارګ وايي چې دا طرزالعمل همدااوس تر کار لاندې دی.

10 total views, 1 views today

1 comment

  1. سيدعارف سعيد Reply

    بايد جمهورريس اشرف غني بيا هس كله شفني عملياتو ته احازه ورنكري زكه دير بيكنا ه افغانان فه دغسي عملياتو وزوريدل

Leave a Reply

Your email address will not be published. Required fields are marked *