Categories

اعلان

Loading…

د شاه سعود یو غزل

مینه ټوله د غنمو د دانې هومره هم نه وه 
دا کیسه خو د یو ټکي د مانې هومره هم نه وه

عشقه هسې ځان پرستو د رندۍ دعوی کولې 
میخانه یې ستا د تشې پیمانې هومره هم نه وه

زه او ته پرې سوزیدلو مګر مینه مو تر منځه 
د لمبې او د لوګي د یارانې هومره هم نه وه

د رڼا په وینو سره شوه چې تیاره ترې رژیدله 
د لیندې مخې ته شپه د نشانې هومره هم نه وه

چې دروغ یې راته ووی نو زما زړه یې ساتلو 
زما تمه ترې د دغې بهانې هومره هم نه وه

انتظار کې دې کړه تیره زندګي ورته سعوده 
او جلوه د یو زمبل د زمانې هومره هم نه وه

8 total views, 1 views today

Leave a Reply

Your email address will not be published. Required fields are marked *