Categories

اعلان

Loading…

د پکتيا قومي مشران: په پکتيا کې دې د شوي فساد په اړه څېړنه وشي

د پکتیا پریس کلب- د پکتيا په مرکز ګردېز کې قومي مشرانو، د مدني ټولنو فعالانو او ځوانانو د ملي يووالي له حکومت څخه غوښتنه وکړه چې د فساد د مخنيوي کړې ژمنه دې پوره کړي.

دوی د يوې احتجاجيه غونډې په ترڅ کې له ولسمشر اشرف او اجرائيه رېئس څخه غوښتنه وکړه هغه چارواکي چې په فساد کې ښکېل دي د محاسبې مېز ته کېنوي.

نوراحمد رښتياوال له مرکزي دولت څخه غوښتنه وکړه چې پکتیا ولايت ته دې يو باصلاحيته هئيت راوليږي څو په پکتيا کې د تېرو شپږو کلونو کې د شويو فسادونو څېړنه وکړي.

نوموړي رښتياوال وويل د هغو پروژو څارنه او پوښتنه دې هم وشي چې کارونه يې هم لاهم نيګمړي پاتې دي.

رښتياوال وايي: موږ له مرکز حکومت څخه د يو باصلاحيته او بې طرفه هئيت غوښتونکي يو، ګوندي هئيتونه نه غواړو چې راشي ادارات دې وڅېړي، د دوی کارکردګي دې وګوري وروسته له هغه به معلومه شي چې قانون څه سزا ورته ټاکي.

يوه قومي مشر د فساد په اړه وويل چې د ولايت والي د خپل زوی په نوم د جوړ شوي شرکت ساختماني شرکت او نورو له شرکتونو له خوا په پروژو او د رغونې په کارونو کې ښکاره فسادونه کړي او لا يې هم کوي.

دې قومي مشر وويل: سړ کونه منظوريږي او هغه ټېکدار ته ورکول کيږي چې هغه د والي سره تړلی وي، هغه ټېکدار ته والا که کار ورکړل شي چې چاروکو سره لار ونه لري. د خدای لپاره دا څه حال دی، چاته ورشو؟

د غونډې ګډونوالو ويل که غوښتنو ته يې مثبت ځواب ونه ويل شي نو خپلو اعترضونو ته به دوام ورکړي او په لاريونونو به لاس پورې کړي.

هڅه مو وکړه چې په دې د ولايت مقام نظر هم له ځانه سره ولرو خو هغوی په دې اړه له څه ويلو ډډه وکړه.

یاده دې وي چې تر دې وړاندې هم د پکتیا اوسېدونکو څو ځله د پکتیا د والي پر ضد لاریونونه او اعتراضیه غونډې جوړې کړېدي خو د مرکزي دولت له خوا لا هم د دې ولایت په اداره کې کوم سمون او بدلون نه دی راغلی.

شکورکامران ــ پکتيا

4 total views, 1 views today

  1. جنرال حبيب الله جلالزوي Reply

    دبكتيا دور ونو ، بلارونو او دجلسي دتولو كدون والو غوشتني او اعتراضونه كاملاء به خاي دي او دا هغه غوشتني او هيلي دي جه دانتخاباتو تر مخه داكتر اشرف غني ورته ليواله او خلكوته ءي وعدي وركري وي داهم داولس مشر خوشبختي ده جه اولسونه دده تر خنكه ودريزي أودّ إصلاحاتو غوشتني كوي.بده به هله وه جه اشرف غني يو خه غوشته او اولسونو بل خه غوشته شه داده جه اولس هغه خه غواري خه جه اولسمشر غواري
    زوندي،نيك نامه،او كاميابه دي وي.دبكتيا دا زرور ، با توره او وطن فرسته قوم.ع
    دبكتيا الى. دباشرفه معزيزينو دي عمل خما زره ته دتكيا ستني ودر ولي اوزه ءي داسي إحساساتي كري يم جه أروبا عاجله خوشي او ددي با اتفاقه أو متحده با غيوره قوم تر خنكه دوطن دابادي دباره مشتركه مبارزه وكرم
    جنرال حبيب الله جلالزوي

  2. سید الر حمن زیار مل Reply

    شمله ورو ستاسو دجګو او هسکو شملونه قربان شم واقعا موږ په پکتیا او پکتیاوالو ویاړو

    راشی دخوست تالی څټوته جه خوستیی تباه تباه کړ غیر له یو محدود تعداد چه خپل اوازونه یی تر کرزی ورسول خو افسوس چه دغه والیان فعلی والیان دکرزی په مشوره تعین شویدی دهغه په لری کولو کی عملی اقدام نکولو اکثره تنظیمی والیان دی چه خپلو تنظیموته دمیاشتی دیرش زره ډالر ور لیږی او څنګه یی لیری کړی اوس هم تنظیمی مشران هلی څلی کوی او شروع کړیدی چه بیا پاته شی کوشش وکړی دغه داعتراضونولړی جاری وساتی موږ در سره یو تر څو دغه فاسد بیکاره والیان عوضاو صادق په وطن مین مسلکی کدرونه تعین شی وسلام

Leave a Reply

Your email address will not be published. Required fields are marked *