Categories

اعلان

Loading…

نوحه ګرو ملګریو ته! / مجید قرار

نن د دغه، پرون د هغه، او سبا د هغه بل شهید په ویر قهرېدلیو، په احساساتو راغلیو، نوحه ګرو ملګرو.

ډېره بښنه غواړم، وژاړئ، ښېراوې وکړئ، سرونه وشکوئ او مخونه ووهئ خو فایده نه لري.

غلیم مو پېژني چې ستاسې غوسه څومره وخت دوام کوي، او ستاسې د احساساتو تودوخه څومره وخت پایي.

هغه وایي پرېږده، د دې خلکو غوسه چې بېخي اوږده شي دری ورځې به وغځېږي، دری ورځې وروسته به بیرته هر سړی خپل کار کوي. څوک به غزلونه وایي، څوک به د خپلو ماشومانو عکسونه خپروي، څوک به د خپلو بانډارونو راپورونه خپروي، څوک به د خپل سفر شېبه په شېبه حالات شریکوي، دا دی د دوبۍ ایرپورټ ته ورسېدم. دا دی ویانا ښار ته ورسېدم. دا دی ټرېن ته وختم.

ملګریه، نه دې څوک په آخ آخ تړلي، نه دې په اوف اوف خبر دي، ځکه چې ته لکه ماشوم داسې یې. یوه شېبه دې کریغې اسمانونو ته خېژي او بله شېبه په یوه چاکلېټ داسې په خندا یې، ته به وایې د نړۍ تر ټولو خوشاله انسان یې.

ته نه کرکه لرې، نه مینه. نه دې له خپل وطن سره دومره مینه وکړه چې دښمن سره دې یې کرکه پیدا شي او نه دې له خپل دښمنه دومره کرکه وکړه چې له وطن سره دې پرې مینه پيدا شي.

نه دا ستا لومړی شهید دی او نه به دې وروستی شهید وي، خو نه دې په لومړي پسې تر دریو ورځو زیات سر وګرځاوه او نه به په وروستي پسې تر دریو ورځو زیات وژاړې، ځکه چې ته په نړۍ کې په لنډه حافظه مشهور یې. لکه څومره چې دې څو لوېشتې شا ته حافظه کار نه کوي، همداسې دې څو لوېشتې مخ ته نظر کار نه کوي.

ستا دښمني هم انفعالي او غبرګونیزه ده، او ستا دوستي هم. که ستا دښمني او دوستي د خپلو ثابتو ملي ګټو د اوږدمهالي تاریخ او اوږدمهالې راتلونکې پر اساس وای بیا به ته هم دغسې د هر باد پر اوږه سپور خش او خاشاک نه وای.

هو نو، لکه څنګه چې ستا دښمني او دوستي اوږدمهالې او معیاري نه ده، دغسې ستا دوست او دښمن هم معیاري او ثابت نه دی. که د تورخم ملېشه یوه لښته ووهلې شل ورځې د شهید ډاکټر نجیب الله ارمانونه کوې او که دې دوه ورځې لوبغاړي د پاکستان د کرکټ بورډ په پیچونو ولوبېدل، بیا دې لکه د شمشاد د حاجي عبدالرحیمزي، پاکستان تمهارا دوسرا ګهر هوګا..

غلیم پوهېږي چې که پر دې خلکو هرڅومره ظلم او تېری کوې دوی به دېوالونو او پېریانو ته ښېرا کوې. خدای دې د افغانستان دښمنان تباه کړي. خدای دې ظالمان تباه کړي. خدای دې بهرنۍ کړۍ وشرموي او نور دې ته ورته د ارګ له اعلامیو څخه عام شوي عبارتونه به تکراروې.

غلیم پوهېږي چې ته یې نوم نه اخلې، آدرس یې نه یادوې او په نامه یې نه غندې. چې نوم یې نه اخلې نو ده ته یې څه تاوان دی.

غلیم په دې هم پوهېږي چې ته به لومړی وار، لومړی شک، لومړی تعرض پر خپل دولت او خپلو پولیسو کوې، چې لعنت په داسې دولت شته. لعنت په داسې پولیسو شه چې امنیت نشي را وستلای. ښه نو چې زه دې غلم شم، په دې رنګ خو دې والله که پرېږدم.

غلیم دې د خرمنډک چل زده کړی دی. غلیم تا ته ورو نېښ درکوي او نور ته خپل پوستکی په خپلو نوکانو اړوې او په ګرولو ګرولو پر خپل پوستکي زخمونه جوړوې.

همدغه د تروریسم د جګړې ټوله فلسفه ده. همدې ډول جګړې ته تروریستان د ورږې او سپي جګړه وایي. ما په یوه عربي کتاب کې لوستي ول چې تروریستي جنګ ته یې حرب الکلب و البرغوث لیکلي ول. بلا تشبیه بلاتشبیه، ورږه یا کنه سپی چیچي، سپی خپلې نوکاري خپل پوستکي ته برابروي. ورږه د سپي په بدن کې یو لوی زخم نشي جوړولای خو زر واړه واړه زخمونه جوړوي او له سپي څخه پمن سپی جوړوي.

زه پوهېږم چې مثال مې غلیظ او بې خوند دی، خو همدغه مثال مې د افغانستان د اوسنۍ جګړې د طراحې تروریستي حلقې په یوه عربي کتاب کې لوستی و.

د مثال ورکولو هدف مې دا و چې تاسې یوه حقیقت ته متوجه کړم. هغه حقیقت همدا دی چې موږ تاسې د غلیم د تعقیب پر ځای خپل پوستکی ولې نوکاري کوو؟

راځئ غلیم وپېژنو، په نښه یې کړو، کرکه ورڅخه وکړو. نوم یې واخلو، او نور له خپلې لمنې د غلیم لپاره د پاتې عاطفې او خواخوږۍ مردارې لکیرې و وینځو. غیرتي، دښمن شناسه، مسلمانان افغانان شو.

350 total views, 1 views today

  1. Pardis Reply

    پر ګوتو او قلم دي رحمت شه

  2. M.A Javed Reply

    Yara Qarara da her torai de da kanee krasha da. Pa lawer awaz wayam che, Zama doshman pakistani mullah, ter hagha me sakhat doshman da hagha Afghan malatarai aw andiwal.

    Dawaro ta bayad yaw Hitler wa laroo.

  3. Guldasta Ashna Reply

    خدای دې ستا په شان زلميان زیات کړي، هیواد داسې ریښتوني زلمیانو ته اړدۍ، ګني له خیټوروخو ډک دۍ،

  4. هلال احمد Reply

    قرار صیب! پر ګوتو دی برکت شه ډیر ښایسته مضمون دی لیکلی دی الله پاک دی زمونږ ولس کی دا درک واچوی چی خپل دښمن ته کله هم دوست ونه وایی، کله هم ورسره خواخوږی ونکړی. هره ورځ زمونږ ماشومان یتیمانیږی، خویندی مو کنډی کیږی میندی مو بوری کیږی، په کونړ او نورو سیمومو راکټونه وروی او بیا هم چی کله د یو کرکټ میدان وشی نو بیا پاکستان زمونږ دویم کور شی. او که داسی کومه چاونده وشی یا کوم تراژیدی رامنځته شی نو بیا آی اس آی ته ښکنخلی وکړو چی دا احساسات مو له یوی ورځی نه اوږدیږی نو ګران قرار صیب الله پاک دی په دی سپیڅلی مبارزه کی بریالی لره او زمونږ ټول ولس ته دا احساس په برخه کړی چی خپل دښمن وپیژنی
    وسلام

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2